«Калі не косці, то зямлю» - новая прапанова аб пахаванні Каліноўскага
- Written by Katolik.life
- Published in Царква
- Add new comment
Некаторыя вернікі прапануюць стварыць месца памяці героя пры касцёле
У беларускім грамадстве працягваецца абмеркаванне магчымага пахавання парэштак беларускага героя Кастуся Каліноўскага не ў Вільні, дзе яны былі знойдзены, а на тэрыторыі сучаснай Беларусі. Для тых, хто не ў курсе: праз інтэрнэт група актывістаў збірае подпісы пад петыцыяй да ўладаў Літвы з просьбай перадаць парэшткі Каліноўскага ў Беларусь. Пад зваротам ужо падпісаліся многія аўтарытэтныя беларусы. У Літве, пакуль неафіцыйна, адказалі адмовай на просьбу.
І вось у беларускай каталіцкай суполцы ў Facebook таксама абмяркоўваюць гэту тэму. У прыватнасці, Nicholas 'Mikalaj' Packajeu падаў ідэю:
- З нагоды цяперашняй дыскусіі пра пахаваньне Каліноўскага была выказаная цікавая, і, на мой погляд, слушная прапанова, якую касьцельныя ўлады маглі бы ажыцьцявіць зусім без патрэбы ўдзелу палітычных уладаў. Serguey Rybchonak напісаў: "А трохі зямлі з магілы можна ўзяць і пахаваць сімвалічна ў Беларусі. У якім-небудзь касцёле (у Мінску ці ў іншым месцы), Каб святары і беларускі народ маглі маліцца за свайго героя. Таму, думаю, ёсць сэнс звярнуцца да адпаведных касцельных уладаў за пратэкцыяй". Сапраўды, стварэньне такога месца памяці 1863 году ў Беларусі касьцельныя ўлады маглі бы санкцыянаваць зусім самастойна. Сярод знойдзеных у магіле, дарэчы, два ксяндзы Лідзкага павету, таму ў касьцёле - зусім дарэчна так ці гэтак. Напісаць нешта такое:
"Tut jość ziamla z mahiły Kanstantyna Kalinoŭskaha,
Zyhmunta Sierakoŭskaha i 19 inšych paŭstancaŭ 1863 hodu,
pakaranych śmierciu ŭ Vilni.
Daj, Panie, supakoj ich dušam i žyćcio niaśmiarotnaje,
a ludzkaja pamiać ab ich chaj budzie viečna".
У каментарах праходзіць абмеркаванне ідэі.
Related items
- Ля сцяны паміж Польшчай і Беларуссю правялі малітву, а працэсію ў Варшаве ўзначаліў Будслаўскі абраз
- Без святла, вады і храма жыве ў Мінску Капелан Папы Рымскага
- «Што мы шукаем?» Святар адказаў католікам, якім адмоўлена ў змене абраду
- Ватыкан адмовіў расійскім католікам у пераходзе ў заходні абрад
- «Умацаванне стабільнасці і адзінства». Дзяржорганы назвалі свае задачы ў рабоце з Царквой