Папа прафінансаваў паездку бяздомных у Турын
- Written by katolik-gomel.by
- Published in Папа Францішак
- Add new comment
Францішак хоча, каб бедныя Рыма змаглі ўбачыць Плашчаніцу раней за яго.
Папа Францішак прафінансаваў паездку двух аўтобусаў з рымскімі бяздомнымі ў Турын з нагоды выстаўлення знакамітай Плашчаніцы. Гэтай інфармацыяй падзяліўся ў інтэрв'ю італьянскай “La Stampa” Папскі элемазінарый, арцыбіскуп Конрад Краеўскі. “Пілігрымка бяздомных з’яўляецца адным з этапаў падрыхтоўкі да папскай візіту ў гэты горад, які адбудзецца 21-22 чэрвеня”. - сказаў іерарх, адказны за папскую дабрачынную дзейнасць. “Святы Айцец хоча, каб бедныя Рыма пабачылі Плашчаніцу яшчэ перад ім”, - дадаў ён.
Уся паездка была прафінансавана Францішкам. Першая група з 50 бяздомных выехала ў Турын 3 чэрвеня 2015 г. раніцай. Іншая – з 70 чалавек, адправіцца туды на наступным тыдні.
Сам Францішак правядзе ў сталіцы П’емонту два дні: 21 і 22 чэрвеня. Галоўным пунктам падарожжа, вядома, стане наведванне і малітва каля знакамітай Турынскай плашчаніцы, што адбудзецца ў першай палове дня першага дня візіту. Падчас свайго прабывання ў Турыне Пантыфік сустрэнецца з рабочымі, фермерамі і прадпрымальнікамі, правядзе абед з групай зняволеных з мясцовай турмы для непаўналетніх, спаткаецца з непаўнаспраўнымі, моладдзю, пратэстанцкай супольнасцю, узначаліць нядзельную Эўхарыстыю на плошчы ў цэнтры горада.
Related items
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Не фэйкі і не хакеры: «Радыё Марыя» працягвае збор і тлумачыць непаразуменні
- Без цуду, але з падтрымкай: як «Радыё Марыя» выходзіць з цяжкай сітуацыі
- Папа Рымскі прыняў у Ватыкане шамана – той папрасіў аб дапамозе