Папа памаліўся перад Турынскай плашчаніцай
- Written by katolik-gomel.by
- Published in Папа Францішак
- Add new comment
Плашчаніца, сказаў Пантыфік, з'яўляецца "іконай любові" Хрыста да людзей.
Францішак маліўся 21 чэрвеня 2015 г. раніцай у архікатэдральным касцёле сталіцы П’емонта перад Турынскай плашчаніцай – палатном, у якое, у адпаведнасці з шматвяковай традыцыяй, было загорнута цела Езуса Хрыста ў магіле. Затым ён маліўся перад рэліквіямі благаслаўлёнага П’ер Джорджыа Фрасаці, апекуна моладзі, студэнтаў, людзей гор і руху “Каталіцкая Акцыя”.
Пасля сустрэчы з “светам працы” на Каралеўскай плошчы Турына Папа адкрытым аўтамабілем праехаў у архікатэдру. Уваходзячага ў храм Святога Айца віталі спевам і апладысментамі. Затым ён спачатку на працягу некалькіх хвілін у цішыні маліўся перад Плашчаніцай, а затым – перад рэліквіямі благаслаўлёнага П’ер Джорджыа.
У архікатэдры прысутнічалі кляўзуровыя законніцы з розных кляштараў, размешчаных у Турынскай архідыяцэзіі, а таксама арцыбіскуп Турына на пенсіі, кардынал Севярына Палета, прадстаўнікі Канферэнцыі Біскупаў П’емонта, члены Камітэту па справах Турынскай плашчаніцы, няпоўнаспраўныя і члены сям’і П’ер Джорджыа Фрасаці.
Пазней, перад малітвай “Анёл Панскі”, Папа, гаворачы пра Турынскую плашчаніцу, адзначыў, што “яна прыцягвае да аблічча і скатаванага цела Езуса і адначасова звяртае нас да аблічча кожнага пакутуючага і пераследаванага чалавека”. Плашчаніца, дадаў Пантыфік, з’яўляецца “іконай любові” Хрыста да людзей; і менавіта яна прывяла сёлета ў Турын такую вялікую колькасць людзей.
Related items
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- Папа Рымскі прыняў у Ватыкане шамана – той папрасіў аб дапамозе
- Новага біскупа ў Беларусі прызначыў Папа Рымскі на незвычайную пасаду
- У капелюшы і са сцягам: штучны інтэлект намаляваў уваскрослага Хрыста ў Беларусі
- Беларусы Вільні маліліся на роднай мове ля сусветна вядомага абраза