Папа заклікаў не баяцца споведзі
- Written by katolik-gomel.by
- Published in Папа Францішак
- Add new comment
"Сорам з’яўляецца ласкай, якая рыхтуе нас да ўваходу ў абдымкі Айца".
Папа Францішак заклікаў католікаў не баяцца споведзі, хоць кожны, хто падыходзіць да сакрамэнту пакаяння адчувае сорам. Гэта адбылося 2 жніўня 2015 г. падчас сустрэчы з вернікамі на малітве “Анёл Панскі”. У гэты дзень Касцёл адзначае ўспамін так званага “Прабачэння з Асізі”, які, як адзначыў Пантыфік, з’яўляецца “магутным заклікам” да набліжэння да Бога ў сакрамэнце міласэрнасці і паяднання.
“Ёсць людзі, якія баяцца падысці да споведзі, забываючыся, што мы знаходзім там не грознага суддзю, а бясконца міласэрнага Айца. Гэта праўда, што, калі мы ідзём да канфесіяналу, адчуваем некаторы сорам. Гэта тычыцца ўсіх, усіх нас, але мы павінны памятаць, што нават гэты сорам з’яўляецца ласкай, якая рыхтуе нас да ўваходу ў абдымкі Айца, Які заўсёды даруе і заўсёды даруе ўсё”, - сказаў Папа.
2 жніўня адзначаецца свята Маці Божай Анёльскай з Парц’юнкулі. Яно атрымала таксама назву “Прабачэнне з Асізі”, паколькі звязана з адпустам, які пры пэўных умовах можна атрымаць у кожным парафіяльным касцёле.
Related items
- 9 траўня ў дзень Унебаўшэсця Пана католікі моляцца аб супакоі на зямлі
- Ватыкан не паведамляў аб адмове Папы Рымскага ад удзелу ў мірным саміце па Украіне
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- Папа Рымскі прыняў у Ватыкане шамана – той папрасіў аб дапамозе