Папа заклікаў да забароны ядзернай зброі
- Written by katolik-gomel.by
- Published in Папа Францішак
- Add new comment
«Адзіны спосаб выйграць вайну - не развязваць яе».
Да забароны атамнай зброі заклікаў папа Францішак 9 жніўня 2015 г. пасля малітвы “Анёл Панскі” на плошчы св. Пятра ў Ватыкане. Святы Айцец нагадаў, што 70 гадоў таму адбылося жудаснае атамнае бамбардзіраванне японскіх гарадоў: Хірасімы і Нагасакі. “На адлегласці ў шмат гадоў, гэта трагічнае здарэнне датэтуль абуджае жах і агіду. Яно стала сімвалам вялізарнай знішчальнай моцы чалавека, калі памылковым чынам выкарыстоўвае дасягненні навукі і тэхнікі, і пастаянным папярэджаннем чалавецтву, каб назаўсёды адмовілася ад вайны і забараніла атамную зброю і любыя іншыя віды зброі масавава знішчэння”, - сказаў Папа.
Францішак заўважыў, што сумная гадавіна бамбардзіравання Хірасімы і Нагасакі, з’яўляецца заклікам да малітвы і дзейнасці на карысць міру, пашырэння ў свеце этыкі братэрства і атмасферы мірнага суіснавання паміж народамі. “Няхай з кожнага кутку зямлі ўзнясецца адзіны голас: “Не – вайне! Не – насіллю! Так – дыялогу! Так – міру! З вайной заўсёды праігрываюць! Адзіны спосаб выграць вайну – не ваяваць!”, - сказаў Святы Айцец.
Related items
- Ці ўступаць у піянеры, спыталі ў вернікаў – частка адказаў здзівіла
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
- З 7 дзецьмі пасля 25 сутак вядомы прапаведнік пакінуў Беларусь
- Беларусы даказваюць у судах «польскія карані» – з дапамогай веры