Папа прыняў на аўдыенцыі ў Ватыкане заснавальніка Instagram
- Written by katolik-gomel.by
- Published in Папа Францішак
- Add new comment
Кевін Сістром: «Гэта быў незабыўны момант у маім жыцці».
26 лютага 2016 г. папа Францішак прыняў на аўдыенцыі ў Ватыкане Кевіна Сістрома, заснавальніка “Instagram” – бясплатнага аплету для абмену фотаздымкамі і відэазапісамі з элементамі сацыяльнай сеткі. Амерыканскі праграміст і прадпрымальнік прыбыў у Італію для ўдзелу ў Тыдні высокай моды, які праходзіць у Мілане, і спытаў аб магчымасці сустрэцца са Святым Айцом.
Пра свой візіт да Пантыфіка ён распавёў праз уласны акаўнт у “Instagram”, апублікаваўшы фотаздымак, на якім атрымлівае ружанец з рук Папы і падпісаўшы яго: “Сёння я меў гонар сустрэць папу Францішка. Мы размаўлялі аб моцы выяваў аб’ядноўваць людзей розных культур і моваў. Без сумніваў, гэты адзін з самых незабыўных момантаў у маім жыцці”.
“Instagram” мае каля 400 млн. карыстаўнікаў ва ўсім свеце. У красавіку 2012 г. ён быў набыты кампаніяй “Facebook”.
За апошнія два месяцы папа Францішак сустрэўся ў Ватыкане з двума іншымі прадстаўнікамі сусветнай інтэрнэт-індустрыі. 22 студзеня 2016 г. ён прыняў на аўдыенцыі кіраўніка амерыканскай карпарацыі “Apple” Цімаці Кука, а тыднем раней кіраўніка “Google” Эрыка Шміта, які пасля спаткання прызнаўся што распавёў Францішку пра сваю кнігу, напісаную разам з Джарэдам Коэнам, пра новую лічбавую эру і яе ўплыў на будучыню людзей, народаў і бізнесу.
Трэба адзначыць, што Францішак не шкадуе слоў крытыкі ў адрас буйных карпарацый, але і станоўча ацэньвае значэнне і магчымасці новых тэхналогій. У прадстаўленым 22 студзеня 2016 г. пасланні на Сусветны дзень сацыяльнай камунікацыі ён падкрэсліў, што развіццё камунікацыі з’яўляецца Божым дарам, аднак патрабуе ад чалавецтва вялікай адказнасці.
Related items
- Прыехалі ў касцёл на трох машынах: на Віцебшчыне затрымалі двух святароў
- 9 траўня ў дзень Унебаўшэсця Пана католікі моляцца аб супакоі на зямлі
- Teresa & Maria: у фінал Еўрабачання выйшла Украіна з песняй з хрысціянскім кантэкстам
- Байк, драйв... могілкі. «Сельскі святар» працягвае здзіўляць
- Ватыкан не паведамляў аб адмове Папы Рымскага ад удзелу ў мірным саміце па Украіне