Папа: вандроўным артыстам: сейбіты дабра, майстры прыгажосці
- Written by katolik-gomel.by
- Published in Папа Францішак
- Add new comment
Францішку дазволілі пагладзіць жывога тыгра [ВІДЭА]
Сейбітамі прыгажосці і радасці ў часам панурым і смутным свеце, назваў папа Францішак удзельнікаў вандроўных і народных тэатраў: цыркачоў, акрабатаў, лялькаводаў, музыкаў, вулічных артыстаў і фокуснікаў, якія сабраліся 16 чэрвеня 2016 г. у Ватыкане з нагоды Юбілейнага Году Міласэрнасці.
Дзейнасць вандроўных калектываў, па словах Святога Айца, можа ўзбагаціць грамадствы ўсяго свету, умацаваць адчуванне надзеі і даверу, узносіць душы, дэманстраваць адвагу ў выкананні асабліва складаных нумароў, выклікаць захапленне прыгажосцю і ствараць магчымасці для “здаровых забаваў”.
“Свята і радасць – гэта адметныя знакі вашай тоеснасці (...). Вы маеце асаблівы рэсурс: сваімі пастаяннымі перамяшчэннямі, можаце несці ўсім Божую любоў, Яго спагаду і міласэрнасць. Вы можаце быць вандруючымі хрысціянскімі супольнасцямі, сведкамі Хрыста, які заўсёды знаходзіцца ў дарозе, каб сустракаць нават самых далёкіх”, - сказаў Папа.
Францішак выказаў падзяку вандроўным калектывам, якія ў рамках Году Міласэрнасці, адчынілі свае дзверы для самых апошніх, далучаючыся да мноства артыстаў, якія наведваюць тэрыторыі, пацярпеўшыя ад войнаў, прыродных катаклізмаў і насілля.
“Я цешуся з вамі, бо ў гэты Святы Год, вы адчынілі вашы тэатры для самых патрабуючых, бедных і бяздомных, зняволеных і складанай моладзі. Таксама і гэта – міласэрнасць: сеяць прыгажосць і радасць у часам панурым і сумным свеце”, - сказаў Папа.
Святы Айцец запэўніў удзельнікаў вандроўных і народных тэатраў у блізкасці Касцёла і заклікаў іх клапаціцца пра сваю веру, прыступаць да сакрамэнтаў, перадаваць сваім дзецям любоў да Бога і бліжняга. “Як ведаеце, Касцёл займаецца праблемамі, якія суправаджаюць ваша вандроўнае жыццё. Ён хоча дапамагчы вам і выкараніць забабоны, якія часам трымаюць вас на ўзбочыне”, - сказаў Папа.
У сустрэчы з Пантыфікам, якая прайшла ў ватыканскай Зале Паўла VI прынялі ўдзел каля 7 тыс. чалавек.
Media
Related items
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Ці ўступаць у піянеры, спыталі ў вернікаў – частка адказаў здзівіла
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
- З 7 дзецьмі пасля 25 сутак вядомы прапаведнік пакінуў Беларусь