Папа стварыў камісію па вывучэнні пытання дыяканату жанчын
- Written by katolik-gomel.by
- Published in Папа Францішак
- Add new comment
Дыяканісы могуць з'явіцца ў Каталіцкай Царкве.
Францішак стварыў Камісію па вывучэнні дыяканату жанчын. Такое рашэнне ён прыняў пасля доўгай малітвы і разважання, гаворыцца ў спецыяльным паведамленні, апублікаваным 2 жніўня 2016 г. Залай Друку Апостальскай Сталіцы.
У склад новай Камісіі ўвайшлі трынаццаць чалавек, амаль палова з якіх – жанчыны, шэсць асоб. Вывучыць важнае і складанае пытанне жаночага дыяканату Пантыфік дыверыў святарам, кансэкраваным асобам, тэолагам, рэктарам вышэйшых навучальных устаноў і ўніверсітэцкім выкладчыкам з Іспаніі, Італіі, Германіі, Аўстрыі і ЗША. Узначаліў Камісію арцыбіскуп Луіс Франсіска Ладарыя Ферэр, сакратар Кангрэгацыі Веравучэння.
Пытанне аб допуску жанчын да дыяканата на ўзор старажытнага Касцёла было скіравана да Святога Айца 12 мая 2016 г. у Ватыкане падчас аўдыенцыя для больш чым 800 законніц, якія ўдзельнічалі ў пасяджэнні Міжнароднага аб’яднання генеральных настаяцельніц манаскіх супольнасцяў.
Папа адзначыў тады, што роля так званых дыяканэс у раннім хрысціянстве не зусім зразумелая. “Я спытаюся ў Кангрэгацыі Веравучэння, ці былі праведзены даследаванні па гэтым пытанні, і даручу заснаваць афіцыйную камісію для яго вывучэння. Думаю, што Касцёл толькі выйграе ад высвятлення гэтага пытання”, - сказаў тады Францішак.
Related items
- Прыклад народнай пабожнасці: паглядзіце, як аформлена капліца ў глыбінцы
- Кветкі, ровары, жанчыны: замалёўка з Імшы ля прыдарожнага крыжа
- «Трымаецца, не скардзіцца, просіць аб малітве». Святар з Валожына – паўгода ў зняволенні
- Як усміхаецца найстарэйшы іерарх Беларусі? Неафіцыйны рэпартаж з Янава
- Правілы прызнання цудоўных з'яў змянілі ў Ватыкане