Папа запрасіў далучыцца да яго малітваў ў лістападзе [відэа]
- Written by katolik-gomel.by
- Published in Папа Францішак
- Add new comment
Францішак моліцца аб мігрантах і супрацоўніцтве ў парафіях.
Ватыканскі тэлецэнтр распаўсюдзіў 3 лістапада 2016 г. праз свой канал у “Youtube” відэаролік, у якім папа Францішак паведамляе і тлумачыць сваю малітоўную інтэнцыю на лістапад. Пантыфік запрашае маліцца, “каб краіны, якія прымаюць вялікую колькасць бежанцаў і мігрантаў, былі падтрыманыя ў сваім памкненні да салідарнасці”.
“Ці можа краіна самастойна супрацьстаяць цяжкасцям, якія правакуе моцная міграцыя?” - гучыць пытанне Францішка, пакуль на экране змяняюць адзін адно твары бежанцаў, што прыязджаюць у чужыя для сябе краіны.
“Мы павінны пераадолець абыякавасць і страх прыняць іншага, бо гэтым іншым мог бы быць ты або я”, - працягнуў сваё разважанне Пантыфік. Гэтыя словы суправаджаюцца фрагментамі відэазапісаў, зробленых падчас асобных сустрэч Святога Айца з бежанцамі і мігрантамі.
Пантыфік запрасіў гледачоў далучыцца да яго малітвы ў інтэнцыі людзей, якія былі вымушаны пакінуць свае краіны і цяпер шукаюць прытулку ў іншых частках свету.
У якасці евангелізацыйнай інтэнцыі на лістапад Папа прапанаваў малітву аб тым, “каб у парафіях святары і свецкія вернікі супрацоўнічалі ў служэнні супольнасці, не паддаючыся расчараванням”.
Media
Related items
- Кветкі, ровары, жанчыны: замалёўка з Імшы ля прыдарожнага крыжа
- «Трымаецца, не скардзіцца, просіць аб малітве». Святар з Валожына – паўгода ў зняволенні
- Як усміхаецца найстарэйшы іерарх Беларусі? Неафіцыйны рэпартаж з Янава
- Правілы прызнання цудоўных з'яў змянілі ў Ватыкане
- У Беларусі прызнаны гісторыка-культурнай каштоўнасцю каталіцкі абрад «Тры каралі»