Папа: католікі павінны ўдзельнічаць у палітычным жыцці
- Written by katolik-gomel.by
- Published in Папа Францішак
- Add new comment
Але не для ўлады, эгаізму і грошай - а каб разбураць сцены і няроўнасць.
Папа Францішак нагадаў аб важнасці ўдзелу католікаў у палітыцы. Яны павінны рабіць гэта не дзеля ўлады, эгаізму і грошай, а каб знішчыць муры і няроўнасць. Такую думку Пантыфік выказаў у інтэрв’ю Эўджэніа Скальфары з італьянскай газеты “La Repubblica”, апублікаваным 11 лістапада 2016 г.
Адказваючы на пытанне аб абранні Дональда Трампа 45-м Прэзідэнтам ЗША, Святы Айцец падкрэсліў, што не дае суджэнняў аб людзях і палітычных дзеячах, але цікавіцца вынікамі іх дзейнасці на карысць бедных і маргіналізаваных.
Францішак прызнаўся, што на сённяшні дзень яго найбольш турбуе сітуацыя бежанцаў і мігрантаў. Трэба пераадолець падзелы і спрыяць павышэнню і распаўсюджванню дабрабыту. “Каб дасягнуць гэтага выніку, мы павінны знішчыць муры і пабудаваць масты, якія дазволяць знізіць няроўнасць і ўмацаваць свабоды і правы”, - сказаў ён і дадаў, што няроўнасць – гэта “найбольшае зло, якое існуе ў свеце”, а правакуюць яе грошы.
Каментуючы барацьбу з тэрарызмам на Блізкім Усходзе, Францішак заўважыў, што ў мінулым Касцёл падтрымліваў выкарыстанне зброі, але галоўных вынікаў хрысціянства дасягнула дзякуючы мучанікам, веры і міласэрнасці. Менавіта праз сведчанне мучанікаў яно распаўсюдзілася ва ўсім свеце і сёння налічвае 2,5 млрд. вернікаў розных канфесій, падкрэсліў Святы Айцец.
Related items
- У Беларусі праходзяць святы Першай Камуніі – як гэта было ў сельскіх храмах
- Як у вёсках праходзяць Маёвыя набажэнствы, паказалі на Гродзеншчыне
- «Не сказалі нават біскупу». Даведаліся, на які тэрмін асудзілі святароў у Віцебску
- «Сезон пілігрымак» адкрыла паломніцтва з Пінска ў Лагішын
- Песня з хрысціянскімі матывамі ад Украіны заняла трэцяе месца на Еўрабачанні