Папа заклікаў маліцца ў сакавіку за ўсіх гнаных хрысціянаў [відэа]
- Written by katolik-gomel.by
- Published in Папа Францішак
- Add new comment
Героі роліка - «арыштаваныя» пратэстант, католік і праваслаўны.
На працягу бягучага месяца Святы Айцец заклікае маліцца за хрысціян, якія падвяргаюцца пераследу. 2 сакавіка 2017 г. Ватыканскі тэлецэнтр праз свой канал у “YouTube” распаўсюдзіў відэаролік, у якім Францішак асабіста агучвае і тлумачыць сваю малітоўную інтэнцыю: “Каб хрысціяне, якія церпяць пераслед, адчулі падтрымку ўсяго Касцёла, у малітве і ў выглядзе матэрыяльнай дапамогі”.
Галоўнымі героямі відэа з’яўляюцца тры асобы розных расаў – пратэстант, католік, праваслаўны, – якіх фатаграфуюць у профіль і анфас на фоне метрычнай шкалы. У руках яны трымаюць таблічкі, на якіх пазначана “злачынства”.
За кадрам гучыць голас Пантыфіка, які кажа: “Колькі людзей падвяргаюцца пераследу за сваю веру, вымушаны пакідаць свае дамы, месцы культу, землі, сувязі. Іх пераследуюць і забіваюць, таму што яны з’яўляюцца хрысціянамі. Іх ганіцелі не робяць адрозненняў па канфесійнай прыналежнасці”.
Калі на экране з’яўляюцца выявы разбураных і пашкоджаных касцёлаў і скульптур святых, а таксама людзей, якія моляцца і збіраюць гуманітарную дапамогу, Святы Айцец звяртаецца да вернікаў: “Я пытаюся ў вас: ці многія з вас моляцца за хрысціян, якіх пераследуюць? Заахвочваю вас рабіць гэта разам са мной, каб яны адчулі падтрымку ўсіх Цэркваў і супольнасцяў у малітве і ў выглядзе матэрыяльнай дапамогі”. У гэтай евангелізацыйнай інтэнцыі Францішак заклікае вернікаў маліцца на працягу ўсяго сакавіка.
Media
Related items
- Тым, хто не можа на Радуніцу памянуць блізкіх у храме, прапануюць гэта зрабіць дыстанцыйна і бясплатна
- У Беларусі праходзяць святы Першай Камуніі – як гэта было ў сельскіх храмах
- Як у вёсках праходзяць Маёвыя набажэнствы, паказалі на Гродзеншчыне
- «Сезон пілігрымак» адкрыла паломніцтва з Пінска ў Лагішын
- Песня з хрысціянскімі матывамі ад Украіны заняла трэцяе месца на Еўрабачанні