Цяляціна, брокалі, кава: Папа запрасіў на «італьянскі абед» 1,5 тыс. бедных
- Written by katolik.life
- Published in Папа Францішак
- Add new comment
Жабракам служылі дыяканы Рымскай дыяцэзіі і валанцёры.
19 лістапада 2017 г. Францішак паабедаў у Ватыкане з самымі патрабуючымі. Такім чынам ён адзначыў І Сусветны дзень бедных. За сталамі ў Зале Паўла VI сабраліся 1,5 тыс. асоб. Яшчэ 2,5 тыс. святочны абед чакаў у іншых месцах Рыма. Раней 4 тыс. бедных узялі ўдзел у святочнай Эўхарыстыі ў базыліцы св. Пятра.
Францішак прыбыў на абед адразу пасля малітвы “Анёл Панскі”. Ён запрасіў сабраных “з сэрцам, поўным добрай волі і ўзаемнага сяброўства” спажыць сумесна ежу, “жадаючы адно аднаму ўсяго найлепшага”.
На абед было тыпова італьянскае меню: аліўкі і сыр, адбіўныя з цяляціны з гароднінай, палента і брокалі, венецыянскі тырамісу, апельсіны і кава. Бедным служылі дыяканы Рымскай дыяцэзіі і валанцёры.
За дапамогай па правядзенні Дня бедных Папская рада па новай евангелізацыі, галоўны арганізатар рымскага святкавання, звярнулася да шматлікіх арганізацый. Адной з ініцыятыў было аказанне медыцынскай дапамогі бедным у мабільным шпіталі ля плошчы св. Пятра.
Related items
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы