Папа Францішак: «Я вельмі баюся ядзернай вайны»
- Written by Katolik.life
- Published in Папа Францішак
- Add new comment
Пантыфік папярэджвае, што чалавецтву пагражае фрагментарная трэцяя сусветная вайна: «Мы знаходзімся на мяжы, дастаткова нейкага выпадку».
15 студзеня 2018 г. Папа Рымскі Францішак распачаў «падарожжа міру» ў Чылі і Перу, нягледзячы на землятрус і пратэсты. Гэтае падарожжа стала 22-м пастырскім візітам Францішка за межы Італіі. Яно будзе працягвацца сем дзён. Сумарная адлегласць, якую здзейсніць Пантыфік за гэты час, з улікам перамяшчэння паміж гарадамі дзьвюх лацінаамерыканскіх краін, складзе амаль 30 тыс. км. Францішак стане другім пасля св. Яна Паўла II Пантыфікам, які наведвае Перу і Чылі. Праграмай візіту прадугледжана трохдзённае прабыванне Святога Айца ў Чылі. Ужо 18 студзеня ў другой палове дня Францішак накіруецца ў Перу.
На борце самалёта Пантыфік правёў кароткую сустрэчу з супрацоўнікамі СМІ, якія традыцыйна суправаджаюць Святога Айца ў яго Апостальскіх падарожжах. Заклік да прадухілення ядзернай вайны стаў галоўным пасланнем Папы. Яно ўвасобілася ў паштоўцы з рэпрадукцыяй фотаздымка з трагічным сюжэтам наступстваў бамбардзіроўкі японскага Нагасакі.
Паштоўкі Францішак раздаў журналістам-суразмоўцам. На чорна-белай фотакартцы 1945 г. амерыканскі фатограф адлюстраваў маленькага хлопчыка з Нагасакі, які трымае на сваіх плячах цела памерлага падчас ядзернага ўдару малодшага браціка ў чаканні яго крэмацыі. Выкананую на аснове гэтай рэпрадукцыі паштоўку суправаджае надпіс “Плён вайны”, а таксама рэмарка па-іспанску, якая тлумачыць роспач хлопчыка, бачная па тым, як ён “да крыві прыкусвае губы”.
Гэтым моцным і чуллівым пасланнем Францішак асудзіў разбуральныя наступствы любых канфліктаў і выказаў сваю занепакоенасць рызыкай развязвання “фрагментарнай трэцяй сусветнай вайны”, якая сёння пагражае чалавецтву.
Францішак падышоў да кожнага з суправаджаючых яго журналістаў, каб прывітацца. На пытанне, ці баіцца ён ядзернай вайны, прызнаўся: “Так, вельмі баюся. Мы знаходзімся на мяжы, дастаткова нейкага выпадку. Мы не можам цярпець такую сітуацыю. Нам неабходна ліквідаваць ядзерную зброю”, цытуе be.radiovaticana.va.
Media
“... the fruit of war,” written on the back of the postcard and signed by Francis. The pope wanted journalists to get this iconic photo on the papal plane showing a young boy waiting in line at the crematorium with his young brother after the atomic bomb was dropped on Nagasaki. pic.twitter.com/ncCyqVLwhX
— Rosa Flores (@RosaFlores) 15 января 2018 г.
Related items
- 9 траўня ў дзень Унебаўшэсця Пана католікі моляцца аб супакоі на зямлі
- Ватыкан не паведамляў аб адмове Папы Рымскага ад удзелу ў мірным саміце па Украіне
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Ці ўступаць у піянеры, спыталі ў вернікаў – частка адказаў здзівіла
- У Ізраілі католікі з Беларусі спакойна перажылі атаку Ірана, але «вайна дастала»