Цяпер афіцыйна: Папа Францішак будзе ў 40 км ад Беларусі
- Written by Katolik.life
- Published in Папа Францішак
- Add new comment
Пантыфік наведае Літву, Латвію і Эстонію ў верасні 2018 года.
Папярэдняя інфармацыя пра тое, што Папа Рымскі Францішак наведае краіны Прыбалтыкі ў 2018 годзе, атрымала пацверджанне. Прымаючы запрашэнне кіраўнікоў дзяржаў і біскупаў, Папа Францішак зробіць апостальскі візіт у прыбалтыйскія дзяржавы з 22 па 25 верасня. У гэты час ён наведае Вільню і Каўнас у Літве, Рыгу і Аглону ў Латвіі і Талін ў Эстоніі. Такую інфармацыю распаўсюдзілі 9 сакавіка службы Ватыканскага радыё, афіцыйнага СМІ Святога Пасаду.
Адзначым, што Вільня, дзе Папа Францішак будзе служыць святую Імшу 22 верасня і сустракацца з моладдзю, знаходзіцца ўсяго ў 40 кіламетрах ад беларускай мяжы. Таму сустрэча з Папам у суседняй дзяржаве стане выдатнай магчымасцю для каталіцкай моладзі Беларусі, большая частка якой не зможа па фінансавых прычынах трапіць на Сусветныя дні моладзі ў Панаме.
У 2018 годзе Літва святкуе 100-годдзе дзяржавы, якая існавала з 1918 па 1940 годы. Паводле апошняга перапісу насельніцтва, да католікаў сябе далучаюць 77% насельніцтва краіны. Папа Рымскі, на той момант - Ян Павел II - наведваў Літву ў 1993 годзе.
Related items
- 9 траўня ў дзень Унебаўшэсця Пана католікі моляцца аб супакоі на зямлі
- Манах з Гудагая зрабіў арэлі для парафіі ў Мінску
- Ватыкан не паведамляў аб адмове Папы Рымскага ад удзелу ў мірным саміце па Украіне
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы