У Гомелі ўпершыню будзе арганізавана група дзяўчат-скаўтак

У гомельскай рыма-каталіцкай царкве пачаўся набор дзяўчынак у парафіяльныя скаўткі. Бацькі-каталікі могуць запісаць сваіх дачок узростам ад 11 гадоў у групу, якая фарміруецца. Калі яна будзе створана, адбудзецца бацькоўскі сход. Адказныя за рух дзяўчат-скаўтак у Беларусі і Гомелі распавядуць аб праграме і прынцыпах FSE - Федэрацыі еўрапейскага скаўтынга. Запісацца можна ў пробашча парафіі айца Славаміра ці пакінуць свае дадзеныя ў каментары да гэтага матэрыялу. Дзяўчынак-скаўтак чакаюць не менш цікавыя прыгоды, чым хлопчыкаў.

Дарэчы, за два гады існавання ў парафіі групы хлопцаў-скаўтаў, яны паспелі пабываць на некалькіх выязных мерапрыемствах, у тым ліку на міжнароднай сустрэчы ў Польшчы.