Гомельскія «ваўчаняты» правялі выходныя ў лесе [фота]

Свой «вясеннік» за горадам правялі гомельскія «ваўчаняты» - самыя маленькія дзеці, якія прынятыя на першую прыступку скаўтынга. Дзеці змогуць стаць сапраўднымі скаўтамі па спаўненні 12 гадоў. Займаецца з «ваўчанятамі» іх «акела» Уладзіслаў Васілеўскі.

Хлопчыкі ладзілі актыўныя гульні ў лесе, спазнавалі прыроду, а таксама ўдзельнічалі ў святой Імшы пад адкрытым небам. У адрозненні ад скаўтаў яны пакуль не гатуюць сабе ежу самі на вогнішчы, таму з гэтым дапамагалі некаторыя бацькі.