BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Беларуска збірае грошы, каб здзейсніць мару - адправіцца на Сусветныя дні моладзі ў Панаму

Трэба скінуцца талакой, каб дапамагчы дзяўчыне і яе сябру з Вільні.

Маладая мінчанка Дзіна Санюк нядаўна стала вядомая беларусам дзякуючы фота з літоўскага Каўнаса. Падчас святой Імшы, якую цэлебраваў Папа Рымскі Францішак пры ўдзеле 100 тыс. чалавек, дзяўчына апынулася ў віп-зоне побач з алтаром і разгарнула дзяржаўны беларускі сцяг.

Katolik.life пазнаёміўся з Дзінай. Яна - каталічка, парафіянка сталічнай архікатэдры. З пантыфікам яна сустракалася не ўпершыню. На Сусветных днях моладзі ў 2016 годзе ў Кракаве мінчанка была валанцёрам. Яна так натхнілася удзелам у такім цудоўным свяце, што ўжо не першы год выношвае мару: зноў патрапіць на Сусветныя дні моладзі. Але ёсць праблема - у гэты раз яны пройдуць у далёкай Панаме...

У Дзіны ёсць сябар Вальдэмар, ён жыве ў Вільні. Разам маладыя католікі і мараць адправіцца за акіян, каб служыць там у якасці валанцёраў на моладзевай сустрэчы, якая запланавана ўжо на студзень 2019 года. Дарога ў Панаму і назад, а таксама валанцёрскі набор абыдуцца прыкладна ў 7,2-7,5 тыс. рублёў на дваіх чалавек (каля 3,6 тыс. даляраў).

- Бог паклікаў нас з сябрам быць валанцёрамі на Сусветных днях моладзі ў Панаме. Мы верым, што беларускі сцяг будзе на гэтай сустрэчы - мы зможам гэта зрабіць разам! - кажа Дзіна.

Маладыя людзі звяртаюцца да католікаў, усіх хрысціянаў і людзей добрай волі з просьбай аб малітве і фінансавай дапамозе для здзяйсненні мары. У нядзелю 21 кастрычніка на святой Імшы на 11.30 у архікатэдры яна будзе дзяліцца сваёй гісторыяй, а пасля службы - збіраць ахвяраванні на паездку ў Лацінскую Амерыку. У знак падзякі за дапамогу яна абяцае кожнаму адправіць з Панамы паштоўку:

- Няхай паштовая служба здзівіцца колькасці паштовак і хутчэй дашле самога Папу ў Беларусь. Мы яго вельмі чакаем, праўда ж?!

Таксама Дзіна абяцае, што калі грошай будзе сабрана больш названай сумы, яны пойдуць на патрэбы дабрачыннай арганізацыі Caritas. Дзяўчына мае намер арганізаваць збор ахвяраванняў і праз краўдфандзінгавую платформу. А пакуль усе, хто хоча дапамагчы, могуць звязацца з Дзінай ў сацсетках і па тэлефоне:

Fb – Dina Saniuk - https://www.facebook.com/profile.php?id=100010760225302

Вк – Дина Санюк - https://vk.com/dina_s90

+37529 2915901 viber, whatsApp

Last modified onСерада, 10 Кастрычнік 2018 23:53
Каментары   
+4 #1 Наталья 2018-10-11 00:19
Я конечно понимаю, в Беларуси такую сумму заработать сложно. Но почему беларуска собирает ещё и для своего друга средства на поездку? Он не трудоспособный?
Цытаваць | Паведаміць мадэратару
Дадаць каментарый

Ахоўны код
Абнавіць