Рыхтуем курткі: у Будславе чакаецца халоднае надвор'е і дождж
- Written by Katolik.life
- Published in Соцыум
- Add new comment
Летась многія таксама моклі і дрыжалі ад холаду. Але будзем маліцца аб спрыяльным надвор'і!
Другі год запар на фэсце ў Будславе чакаецца халоднае надвор'е і дождж. Калі звычайна пілігрымаў сустракала гарачыня і кароткі лівень, то летась многія моклі пад дажджом і дрыжалі ад холаду. Вось і цяпер сіноптыкі прагназуюць у Будславе неспрыяльнае надвор'е.
Па прагнозах Белгідрамета, у пятніцу, 5 ліпеня, калі паломнікі прыйдуць і прыедуць у Будслаў, тут будзе ўсяго каля плюс 16 градусаў і дождж, магчыма навальніца. Увечары пахаладае да плюс 13, а ўначы, падчас працэсіі са свечкамі і абразом Маці Божай Будслаўскай, тэмпература паветра апусціцца да 13 градусаў, дождж працягнецца.
У ноч на суботу, калі будзе арганізавана малітва і канцэрт праслаўлення для моладзі, пахаладае да плюс 9-11 градусаў.
6 ліпеня раніцай, да галоўнай святой Імшы, якая пачнецца а 10-й гадзіне (глядзіце праграму), дождж павінен спыніцца, але па-ранейшаму чакаецца халоднае надвор'е. Так што будзем рыхтаваць швэдры, курткі і парасоны - і маліцца аб спрыяльным надвор'і. Бо ўсё залежыць ад Госпада!
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў
- Штосьці незвычайнае зладзілі ў мінскім касцёле: набажэнства спалучылі з перфомансам
- Opus Dei адказаў на абвінавачванні FT у «эксплуатацыі»