Што гэта было? На Купалле ў Савецкім раёне гарэў крыж
- Written by Katolik.life
- Published in Соцыум
- Add new comment
З галоўнага сімвала хрысціянства зрабілі паганскае пудзіла
Фота з цяперашняга Купалля на Любенскім возеры ў Гомелі ўразілі: натоўп атачыў вогнішча, у якім палае крыж. Неяк у Расіі палілі на Масленіцу вобраз каталіцкага храма, а ў праваслаўным Гомелі - і ўвогуле галоўны хрысціянскі сімвал.
Так, фармальна гэта была «лялька Мара», але калі тканіна згарэла, высветлілася, што аснову кампазіцыі складае крыж - менавіта ён палаў у агні.
Многае здзіўляе ў гэтым свяце, арганізаваным дзяржаўнымі службоўцамі. Чаму ўсюды на Купалле гараць звычайныя вогнішчы, а ў Гомелі спатрэбілася спальваць ляльку, якая наогул не мае дачынення да гэтага свята, а ў міфалогіі з'яўляецца багіняй зімы? І выглядае Мара ў традыцыйным выкананні зусім інакш, на крыж яе не надзяваюць.
Але ці варта здзіўляцца - гулянні з нагоды Купалля (= паганства) праводзілі ў раёне, які носіць назву Савецкі (= атэістычны). Усе мае значэнне.
І гэта не ўпершыню - у тым жа Савецкім раёне ўжо спальвалі крыж, толькі на Масленіцу. Сітуацыя тая ж - абрадавая лялька, пудзіла той жа Мары на драўляным крыжы. Вось як ўбачанае апісвае блогер на старонцы anonimusi.livejournal.com:
- Раптам з языкоў полымя стала з'яўляцца не Мара, а крыж. У агні гарэў вялікі крыж. Пажылыя людзі сталі хрысціцца і абурацца, хто дадумаўся да такога. Яны забіралі дзяцей і сыходзілі... Відовішча было жудаснае... Адна бабуля, якая хрысцілася, сказала, што гэта блюзьнерства, крыжы паліць нельга, тым больш, наперадзе Вялікі пост. Яе падтрымалі іншыя людзі ва ўзросце...
Related items
- Ці ўступаць у піянеры, спыталі ў вернікаў – частка адказаў здзівіла
- Не святар: разабралі памылковую інфармацыю пра затрыманне верніка ў Омску
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
- З 7 дзецьмі пасля 25 сутак вядомы прапаведнік пакінуў Беларусь