Logo
Print this page

Упершыню – па-ўкраінску. Беларускі дуэт запісаў старажытную песню на чатырох мовах

Адвэнтовая песня была напісана ў VIII ці IX стагоддзі, але сёння яна не менш актуальная

Беларускі індзі-рок дуэт Znak Stop прэзентаваў новае відэа – з песняй «Прыйдзі, прыйдзі Эмануэль» на беларускай, украінскай, польскай і ангельскай мовах.

«Зрабілі адвэнтовую песню [Адвэнт у католікаў – падрыхтоўка да Божага нараджэння] на чатырох мовах. Я ўпершыню заспяваў па-ўкраінску. Хацеў бы, каб гэта песня стала такім знакам лучнасці паміж намі. Калі навокал столькі падзелаў, заўсёды застаецца выбар зрабіць крок насустрач», – пракаментаваў саліст, каталіцкі вернік Андрэй Лугін.

У подпісу да відэа паведамляецца, што песня была напісана ў VIII ці IX стагоддзі, але «сёння яна не менш актуальная».

Znak Stop – гэта дуэт, які існуе з кастрычніка 2021, яго ўдзельнікі – Андрэй Лугін і Алёна Палачанская, якія раней выступалі пад назвай Laudans. Цяпер музыкі вымушаны жыць у Польшчы. Тут яны выступаюць у розных гарадах з канцэртамі, бліжэйшы адбудзецца 9 снежня ў Торуні.

Media

Last modified onСерада, 07 Снежань 2022 15:20
FaLang translation system by Faboba
Template Design © Joomla Templates | GavickPro. All rights reserved.