Гатова! Мастачка з Сібіры паказала, якім атрымаўся падарунак Тадэвушу Кандрусевічу
- Written by KATOLIK.LIFE
- Published in Соцыум
- Add new comment
Яна прывязе партрэт, які пісала ў онлайн-рэжыме, у Мінск, каб падарыць яго ганароваму іерарху на ягоны Дзень нараджэння.
Мастачка Святлана Шэндрык з расійскага Новасібірска завяршыла працу над партрэтам беларускага арцыбіскупа эмерыта Тадэвуша Кандрусевіча – былога Мітрапаліта Мінска-Магілёўскага. Нагадаем, мастачка вяла анлайн-дзённік стварэння карціны і паказвала паэтапна працэс, які доўжыўся 27 дзён.
Каталіцкі іерарх адзначыць 78-годдзе 3 студзеня – да гэтай даты ствараецца карціна. Паводле мастачкі, аб напісанні партрэта алеем на палатне яе папрасіў пробашч архікатэдральнага касцёла ў Мінску ксёндз Дзмітрый Пухальскі.
Цікава, што ў тую ж дату свой дзень нараджэння адзначыць і Святлана:
«22 снежня ляцім разам з Тадэвушам Кандрусевічам да айца Дзяніса ў Ніжні Ноўгарад у рыма-каталіцкую парафію Унебаўзяцця Найсвяцейшай Панны Марыі, а затым 27 снежня да самога Тадэвуша Кандрусевіча ў Мінск – адзначаць нашы юбілеі 3 студзеня ў катэдральным касцёле Найсвяцейшай Панны Марыі на Нямізе! Гэта будзе мой самы лепшы і незвычайны Дзень нараджэння!», – напісала яна на сваёй старонцы.
Media
Related items
- Як усміхаецца найстарэйшы іерарх Беларусі? Неафіцыйны рэпартаж з Янава
- У Беларусі прызнаны гісторыка-культурнай каштоўнасцю каталіцкі абрад «Тры каралі»
- Teresa & Maria: у фінал Еўрабачання выйшла Украіна з песняй з хрысціянскім кантэкстам
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы