Вітаем на сайце і запрашаем аўтараў!

І зноў наш сайт змяніў дызайн, а таксама назву. Па старым адрасе ўсе старонкі па-ранейшаму будуць даступныя. Назва без прывязкі да рэгіёну прадугледжвае, што навіны на сайце будуць з'яўляцца не толькі з Гомеля. Асабліва мы разлічваем на тое, што аўтары з буйных гарадоў Брэстчыны - абласнога цэнтра, а таксама Баранавічаў, Пінска - стануць дасылаць свае навіны. Бо Пінская дыяцэзія - адзіная ў Беларусі, якая не прадстаўленая ў інтэрнэце уласным парталам.

Дызайн і канцэпцыя сайта пакуль знаходзяцца ў стадыі распрацоўкі, таму просім далучацца да працы і тых, хто можа дапамагчы ў вырашэнні тэхнічных пытанняў - недахоп часу і ведаў не дазваляе самім хутка з усім справіцца. Нагадваем, што сайт распрацоўваецца і адмініструецца на валанцёрскай аснове. Таксама просім паведамляць пра памылкі і недахопы, якія вы сустракаеце на сайце.

Свае матэрыялы, водгукі аб сайце і прапановы просім пакідаць у каментарах пад гэтым артыкулам, а таксама ў сацсетках (спасылкі уверсе старонкі). Пішыце на Katolik.life - давайце разам дзяліцца тым, якое цікавае і прыгожае каталіцкае жыццё!