Чырвоны касцёл - візітоўка Мінска - патрабуе рамонту
- Written by katolik-gomel.by
- Published in Царква
- Add new comment
Будынак не перададзены Касцёлу, ён плаціць за святыню арэнду.
Адзін з самых вядомых і прыгожых каталіцкіх храмаў у Беларусі, помнік архітэктуры касцёл Святых Сымона і Алены ў Мінску мае патрэбу ў рамонце, паведаміў журналістам на перадкаляднай прэс-канферэнцыі мітрапаліт Мінска-Магілёўскай архідыяцэзіі Рымска-каталіцкай царквы арцыбіскуп Тадэвуш Кандрусевіч. Нагадаем, касцёл знаходзіцца ў цэнтры беларускай сталіцы на плошчы Незалежнасці недалёка ад чыгуначнага вакзалу.
- Чырвоны касцёл - як Эйфелева вежа ў Парыжы, візітная картка горада. Але там працякае вада пад падмурак і ў склеп, гэта вялікая праблема. Будынак не перададзены нам, мы плацім за яго арэнду, і без дазволу дзяржавы не можам нават цвік убіць, - пракаментаваў арцыбіскуп. Ён ужо звярнуўся ў дзяржаўныя органы, адказныя за гістарычна каштоўныя будынкі, з просьбай адрамантаваць касцёл.
- Неабходна дапамагаць адзін аднаму, каб захаваць спадчыну, бо гэта наша гісторыя, - дадаў мітрапаліт і адзначыў, што тыя святыні, якія былі перададзеныя дзяржавай Рымска-каталіцкай царкве ў Беларусі, адрамантаваны.
Related items
- Правілы прызнання цудоўных з'яў змянілі ў Ватыкане
- У Беларусі прызнаны гісторыка-культурнай каштоўнасцю каталіцкі абрад «Тры каралі»
- Старадаўняя капліца згарэла на могілках у Смаргоні
- «Не сказалі нават біскупу». Даведаліся, на які тэрмін асудзілі святароў у Віцебску
- Песня з хрысціянскімі матывамі ад Украіны заняла трэцяе месца на Еўрабачанні