Ватыкан павіншаваў будыстаў з іх галоўным святам
- Written by katolik-gomel.by
- Published in Царква
- Add new comment
У пасланні робіцца акцэнт на актуальных праблемах экалогіі.
Папская рада па міжрэлігійным дыялогу скіравала да вызнаўцаў будызму віншавальнае пасланне з нагоды свята Весах, калі ўзгадваюцца нараджэнне, прасвятленне і смерць Буды. У звароце гучыць спасылка на энцыкліку Францішка “Laudato si’” і робіцца акцэнт на праблемах экалогіі.
Падкрэсліваецца заклапочанасць будыстаў вострымі пытаннямі аховы навакольнага асяроддзя, а таксама іх аднолькавае з хрысціянамі разуменне прычын экалагічнага крызісу, які палягае, між іншым, на прагнасці і несумленнасці чалавека. Таму “абвастрэнне сусветных экалагічных праблем павялічыла неабходнасць міжрэлігійнага супрацоўніцтва”.
“Навучанне адказнасці ў адносінах да наваколля і выпрацоўка “экалагічнага грамадзянства” патрабуюць дасканалай экалагічнай этыкі, якая б грунтавалася на павазе і клопаце аб прыродзе”, упэўнены ў Папскай радзе па міжрэлігійным дыялогу. У пасланні адзначаецца, што ў краінах, дзе хрысціяне і будысты жывуць і працуюць побач, можна паляпшаць стан і ўстойлівае развіццё планеты праз адукацыйныя праграмы па павышэнні экалагічнай свядомасці людзей.
“Мы можам супрацоўнічаць у справе вызвалення чалавецтва ад пакутаў, якія правакуюцца кліматычнымі зменамі, і разам рабіць унёсак у клопат пра наш агульны дом”, - падкрэсліваецца ў пасланні.
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад