Адкрыццё сезону пілігрымак: 9 траўня запрашае Лагішын
- Written by Katolik.life
- Published in Царква
- Add new comment
Пешае паломніцтва да Маці Божай Каралевы Палесся выйдзе з Пінска
9 траўня з Пінска выйдзе традыцыйная аднадзённая пешая пілігрымка ў Лагішын, да санктуарыя Маці Божай Каралевы Палесся. Сёлета ў Лагішыне адзначаюць ужо 22-ю гадавіну каранацыі цудатворнага абраза Каралевы Палесся, якая была здзейсненая з дабраславення святога Яна Паўла II. Кароны на абраз усклаў кардынал Казімір Свёнтэк 10 траўня 1997 года.
У пілігрымцы ў Лагішын прымаюць удзел не толькі вернікі з пінскіх парафій, але і з розных куткоў Палесся і ўсёй Беларусі. Апошнія гады да Маці Божай Каралевы Палесся пешшу ідуць таксама навучэнцы і выкладчыкі Міждыяцэзіяльнай духоўнай семінарыі ў Пінску. Для многіх вернікаў гэтая травеньская пілігрымка становіцца «адкрыццём паломніцкага сезону».
Удзельнікі пілігрымкі выйдуць 9 траўня ў 7:30 з катэдральнай базылікі ў Пінску. Завершыцца паломніцтва ў 18.00 урачыстай святой Імшой у санктуарыі. Пілігрымы, якія прыедуць з іншых парафій, будуць забяспечаны транспартам, начлегам і харчаваннем. Ужо ўвечары 8 траўня пінскі касцёл будзе прымаць першых паломнікаў на начлег. Таксама для ўсіх пілігрымаў будзе магчымасць вярнуцца з Лагішына ў Пінск аўтобусам. Падрабязная інфармацыя па тэлефоне: +37529 727 31 98 (кс. Андрэй Рылка).
Нагадаем, штогадовыя пешыя пілігрымкі ў дыяцэзіяльны санктуарый Маці Божай Валадаркі Палесся ў Лагішыне праходзяць таксама ў жніўні з Баранавічаў і Бярозы.
Media
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў
- Штосьці незвычайнае зладзілі ў мінскім касцёле: набажэнства спалучылі з перфомансам
- Opus Dei адказаў на абвінавачванні FT у «эксплуатацыі»