25 гадоў таму архікатэдру ў Мінску вярнулі католікам [відэа]
- Written by Katolik.life
- Published in Царква
- Add new comment
Чвэрць стагоддзя таму адноўлена правядзенне набажэнстваў у галоўнай каталіцкай святыні беларускай сталіцы.
Роўна чвэрць стагоддзя таму, 9 студзеня 1993 года, будынак мінскага Касцёла Імя Найсвяцейшай Панны Марыі быў вернуты католікам Мінска. Цяпер гэта архікатэдральны касцёл, пабудаваны ў стылі віленскага барока, - галоўны каталіцкі храм у Мінску, помнік архітэктуры, які ўключаны ў Дзяржаўны спіс гісторыка-культурных каштоўнасцяў Беларусі.
А распачалася гісторыя святыні 24 кастрычніка 1700 года, калі быў закладзены яе першы камень. Храм быў пабудаваны ў 1700-1710 гг. як святыня пры езуіцкім кляштары. Гісторыя супольнасці Езуса ў Мінску пачынаецца ў сярэдзіне XVII стагоддзя, калі ў горад прыбылі першыя члены супольнасці. У 1683 годзе было пачата будаўніцтва кляштара, а 24 кастрычніка 1700 года быў закладзены мураваная святыня кляштара. Дзякуючы шматлікім ахвяраванням будаўніцтва ішло хутка, у 1708 годзе быў завершаны інтэр'ер, а 16 сакавіка 1710 года віленскі біскуп Канстанцін Казімір Бжастоўскі асвяціў езуіцкі касцёл у імя Ісуса, Марыі і св. Барбары.
У наступныя некалькі дзесяцігоддзяў храм зведаў шэраг перабудоў. Па баках прэзбітэрыя былі прыбудаваны дзве капліцы, у 1732 годзе былі завершаны дзве вежы галоўнага фасада, якія надалі храму сучаснае аблічча.
У 1773 году пад ціскам свецкіх уладаў еўрапейскіх краін ордэн езуітаў быў часова забаронены папам Кліментам XIV, у сувязі з чым езуіцкі храм Мінска атрымаў статус звычайнага парафіяльнага. У 1798 годзе была створана Мінская дыяцэзія, і храм змяніў свой статус, стаўшы кафедральным саборам, асвечаным у гонар імя Найсвяцейшай Панны Марыі.
У 1951 годзе касцёл быў зачынены, яго дзве вежы знесены, а цэнтральны фасад значна перабудаваны, у будынку да пачатку 90-х знаходзіўся «Дом фізкультурніка». У 1993 годзе храм вярнулі Каталіцкай царкве, у 1997 годзе ён быў паўторна асвечаны. У ходзе рэстаўрацыйных работ у 1990-2000-х гадах было цалкам адноўлена яго першапачатковае аблічча.
Media
Related items
- Ля сцяны паміж Польшчай і Беларуссю правялі малітву, а працэсію ў Варшаве ўзначаліў Будслаўскі абраз
- Анлайн і афлайн: унікальнае кам'юніці ў Беларусі ствараюць вернікі
- Топ-5 навін рэгіёнаў: віншаванне манаха, «Маёвыя», выпускнікі ў касцёлах
- «Перадача не паложана». Святар з Шуміліна працягвае знаходзіцца ў зняволенні
- З вянкамі і паясамі – вось у якіх касцюмах прымалі Першую Камунію дзеці ў Заслаўі