Касцёл выдасць дадатковы наклад Новага Запавету па-беларуску

Секцыя па перакладзе літургічных тэкстаў і афіцыйных дакументаў Касцёла пры Канферэнцыі каталіцкіх біскупаў Беларусі будзе перавыдаваць першае поўнае афіцыйнае рыма-каталіцкае выданне «Новага Запавету». Такое рашэнне прынята па даручэнні Мітрапаліта Мінска-Магілёўскага арцыбіскупа Тадэвуша Кандрусевіча, старшыні Канферэнцыі Біскупаў.

Першы каталіцкі Новы Запавет па-беларуску: дзе можна набыць кнігу?

Таму Секцыя звяртаецца да святароў і кансэкраваных асобаў усіх дыяцэзій у Беларусі выказацца да 15 лютага 2018 г., колькі яшчэ асобнікаў яны хацелі б набыць для сваёй парафіі ці манаскай супольнасці. Свае просьбы трэба накіроўваць на адрас электроннай пошты: liturgia@catholic.by. Колькасць асобнікаў павінна быць кратна пяці, напрыклад, 5, 10, 15, 75, 100, адзначаецца ў паведамленні.

Сatholic.by