У Мсціславе пачалі работы па выратаванні старадаўняга касцёла [відэа]
- Written by Katolik.life
- Published in Царква
- Add new comment
На першым этапе закінуты храм закансервуюць
У Мсціславе, на помніку архітэктуры XVIII стагоддзя - касцёле езуітаў - зноў ажыўленне. Да супрацьаварыйных работ прыступілі будаўнікі з Магілёва - падрадная арганізацыя будтрэста N12. Спецыялісты павінны падрыхтаваць да кансервацыі культавае збудаванне - езуіцкі касцёл у стылі барока, які размешчаны амаль у самым цэнтры Мсціслава, паведамляе актывіст Дзяніс Касцюкевіч.
У мясцовым райвыканкаме ўдакладнілі, што пачаліся падрыхтоўчыя працы да зняцця аварыйнасці будынка. Будаўнікі ўмацоўваюць апорныя сцены, дах, потым заладзяць дзіркі і падрыхтуюць будынак да кансервацыі. Грошы на працы выдзяляе Магілёўскі аблвыканкам.
Нагадаем, закінуты каталіцкі храм у апошнія гады знаходзіўся ў аварыйным стане. У снежні мінулага года там абвалілася частка сцяны. Цяпер ёсць надзея, што мсціслаўскі касцёл можа быць выратаваны і закансерваваны.
Раней Мінкульт Беларусі аб'яўляў збор грошай на аднаўленне касцёла ў Мсціславе. У планах мясцовых уладаў - размясціць у адрамантаваным храме канцэртную залу для музычнай школы >
Media
Related items
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Абяцаныя працы не пачаліся. Паўтара гады, як зачынены Чырвоны касцёл у Мінску
- Помнік беларускаму герою Кастусю Каліноўскаму адкрылі ў Вільні
- Штосьці незвычайнае зладзілі ў мінскім касцёле: набажэнства спалучылі з перфомансам
- «Дзіця электрычкі» вандруе па Беларусі ў пошуках цікавых храмаў і драўляных хат