«Навошта званы б'юць?» У Лідзе скардзяцца, што касцёл спаць не дае
- Written by Katolik.life
- Published in Царква
- Add new comment
З-за скаргаў мясцовых жыхароў прыйшлося адмяніць бой званоў рана раніцай у нядзелю
Жыхар мікрараёна Індустрыяльны ў Лідзе звярнуўся ў мясцовую газету «Прынеманскія весці» са скаргай на каталіцкі храм. Дакладней, на тое, што яму не дае спаць перазвон касцёла. Аказалася, што пенсіянер - не адзін, каму не падабаюцца званы.
- Я толькі выйшаў на пенсію. Думаў, нарэшце выспацца змагу. Бо на працу даводзілася вельмі рана ўставаць. Але не тут-та было. Мой дом знаходзіцца побач з касцёлам. І па раніцах я прачынаюся пад бой званоў, - цытуе пенсіянера газета ў сваёй групе ў сацсетцы. - Не разумею, навошта званіць у іх кожны дзень? І ці можна пазбавіцца ад гэтага «будзільніка»?
Рэдакцыя звярнулася па каментар да пробашча парафіі Унебаўзяцця Найсвяцейшай Панны Марыі. Айцец Андрэй Агель SP патлумачыў, што ў Каталіцкай царкве ёсць даўняя традыцыя: склікаць вернікаў на святую Імшу за паўгадзіны да пачатку службы. Паколькі ў парафіі Імшы па буднях праходзяць а 9-й раніцы, у звон б'юць у 8.30. А першая нядзельная імша пачынаецца ў 8 раніцы, таму звон гучаў у 7.30.
Аднак, калі ад мясцовых жыхароў сталі паступаць скаргі, у парафіі пайшлі насустрач людзям і не сталі званіць так рана.
Цяпер званы б'юць толькі перад другой нядзельнай Імшой - у 9.30. Што тычыцца будных дзён, то святар не лічыць, што 8.30 - так ужо рана:
- Большасць людзей у гэты час ужо прачынаюцца. Трэба ўлічваць і пачуцці вернікаў. Звон не толькі ачышчае нашу душу, але і лечыць цела, - пракаментаваў святар.
Media
Related items
- Такі падарунак – толькі ад байкераў. Мотасезон яны адкрылі ў касцёле
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася