У Беларусі прызначылі дзень пакаяння і перапрашэння
- Written by Katolik.life
- Published in Царква
- Add new comment
Спецыяльную малітву прачытаюць у касцёлах 1 сакавіка
Па рашэнні Канферэнцыі Каталіцкіх Біскупаў у Беларусі, Першая нядзеля Вялікага посту, якая сёлета прыпадае на 1 сакавіка, абвешчана днём пакаяння і перапрашэння за ўсе знявагі Бога, учыненыя прадстаўнікамі народа. Таму 1 сакавіка ва ўсіх каталіцкіх храмах краіны будуць цэлебравацца святыя Імшы ў гэтай інтэнцыі і ўзносіцца малітвы пакаяння і перапрашэння.
У звароце да вернікаў, які ад імя каталіцкіх біскупаў Беларусі падпісаў Старшыня ККББ арцыбіскуп Тадэвуш Кандрусевіч, у прыватнасці, гаворыцца:
- Доўгая гісторыя Каталіцкага Касцёла ў Беларусі пазначана шматлікімі пераследамі і адыходам ад веры. Усведамляючы нашу грахоўнасць, Канферэнцыя Каталіцкіх Біскупаў у Беларусі вырашыла, што ў першую нядзелю Вялікага посту 1 сакавіка 2020 года ва ўсіх касцёлах нашай краіны цэлебруюцца святыя Імшы перапрашэння за знявагі Бога, якія здзейсніў наш народ».
Іерархі заклікаюць усіх беларускіх католікаў актыўна ўключыцца ў гэтую малітву перапрашэння, якая будзе чытацца пасля святой Імшы ў першую нядзелю Вялікага посту, па магчымасці, перад выстаўленым Найсвяцейшым Сакрамэнтам.
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле