Паслухайце, як на Імшы ў Лёзне замест аргана гучыць карнэт
- Written by KATOLIK.LIFE
- Published in Царква
- Add new comment
Музыка прыязджае ў гарадскі пасёлак кожную нядзелю за 15 кіламетраў
У невялікім каталіцкім храме парафіі Святога Падрэ Піа ў гарадскім пасёлку Лёзна Віцебскай вобласці няма арганіста. Але затое ёсць свой музыка на духавых інструментах - выкладчык музычнай школы Ігар Лакотка. Кожную нядзелю ён прыязджае за 15 км на святую Імшу ў лёзненскую парафію і акампанементам на карнэце дапамагае парафіянам вывучаць новыя і ўдасканальваць добра вядомыя спевы, піша catholicnews.by.
Літургія з музычным суправаджэннем выглядае больш урачыстай, гаворыць пробашч парафіі ксёндз Аляксей Ляшко.
- Я з радасцю пагадзіўся іграць на святой Імшы, таму што бачу: парафіянам не стае дакладнасці ў выкананні спеваў. Большасць з іх не ведае нотаў, а хочацца, каб спевы гучалі правільна, - адзначае Ігар Лакотка. - Людзі любяць зацягваць спевы. Я па нотах бачу, што тэмп павінен быць іншы. Бывае і так, што калядныя спевы, якія па сваім характары вельмі жывыя і радасныя, гучаць у выкананні парафіян вельмі распеўна.
Дарэчы, музыка прызнаўся, што хоць і быў ахрышчаны ў касцёле, цяпер ён толькі і памятае малітву «Ойча наш». Але з новым заняткам пачаў успамінаць свае карані і пакрысе спазнаваць каталіцкую традыцыю.
Media
Related items
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»