У Жодзіна ўстанавілі фігуру Маці Божай - католікам давялося маліцца ля яе асобна
- Written by KATOLIK.LIFE
- Published in Царква
- Add new comment
Католікі горада не толькі былі ініцыятарамі пабудовы гэтага манументу, але і актыўна збіралі сродкі на яго стварэнне. На ўрачыстае адкрыццё іх не запрасілі
Вернікі жодзінскай рыма-каталіцкай парафіі Маці Божай Фацімскай 19 верасня памаліліся ля фігуры Найсвяцейшай Панны Марыі, якую ўстанавілі пры ўездзе ў горад з мінскага напрамку. На малітву запрасіў пробашч парафіі ксендз Міхаіл Цвячкоўскі. Скульптурную кампазіцыю, на якую збіралі сродкі ўсіх горадам, урачыста адкрылі 17 верасня – у новаўтворанае дзяржаўнае свята «Дзень народнага адзінства». Аднак на цырымонію ўлады запрасілі толькі праваслаўнае духавенства, у прыватнасці, кіраўніка БПЦ Мітрапаліта Веньяміна.
- Чаму не запрасілі іерархаў Каталіцкага касцёла? Католікі горада не толькі былі ініцыятарамі пабудовы гэтага манументу, але і актыўна збіралі сродкі на яго стварэнне, - паведамляецца на старонцы жодзінскай парафіі. - Як бачым, гаварыць пра адзінства можам усе, але кіравацца гэтым у сваёй паўсядзённай працы мы яшчэ не навучыліся.
Падчас набажэнства кс. Міхаіл Цвячкоўскі нагадаў, што менавіта каталіцкі вернік прапанаваў уладам устанавіць фігуру Божай Маці і расказаў пра тое, чым гэтая кампазіцыя важная для горада.
Media
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Такі падарунак – толькі ад байкераў. Мотасезон яны адкрылі ў касцёле