Дзяржрадыё правядзе трансляцыю святой Імшы ў першы дзень Адвэнту
- Written by KATOLIK.LIFE
- Published in Царква
- Add new comment
Штотыднёвыя трансляцыі службаў з касцёла ў Мінску спыніліся ў жніўні 2020 года
Першы канал дзяржаўнага "Беларускага Радыё" правядзе трансляцыю святой Імшы ў першы дзень Адвэнту - 28 лістапада. Пачатак эфіру запланаваны на 8.15 з архікатэдральнага касцёла ў Мінску. Трансляцыя стане адказам на шматлікія звароты вернікаў, заявілі ў прэс-службе Белтэлерадыёкампаніі. Там дадалі, што трансляцыя арганізаваная пры садзейнічанні Упаўнаважанага па справах рэлігій і нацыянальнасцяў сумесна з Мінска-Магілёўскай архідыяцэзіяй Рымска-каталіцкай царквы.
Нагадаем, 23 жніўня 2020 года ўпершыню за шмат гадоў каталіцкія вернікі па ўсёй краіне не змаглі пачуць радыётрансляцыю службы, якая кожную нядзелю ў 8.15 вялася на Беларускім радыё. Тады гэта патлумачылі тэхнічнымі прычынамі, але з тых часоў трансляцый святых Імшаў так і не было. Сталі паступаць шматлікія просьбы ад вернікаў аб магчымасці аднаўлення трансляцый, якія слухала вялікая колькасць людзей, пераважна пажылых, па ўсёй краіне.
Затым Белтэлерадыёкампанія аб'яўляла аб правядзенні акцыі 11 красавіка 2021 года «Малітва за мір і адзінства», у рамках якой гаварылася аб трансляцыі святой Імшы.
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- Ці ўступаць у піянеры, спыталі ў вернікаў – частка адказаў здзівіла