Крэатыў, эстэтыка, экалагічнасць. Паглядзіце, які Адвэнт-каляндар стварыла гамяльчанка
- Written by KATOLIK.LIFE
- Published in Царква
- Add new comment
Асновай стаў дэкаратыўны камін, які ўпрыгожылі скрынкамі і слоічкамі з заданнямі і, вядома, пачастункамі
Прыёмная мама Ала Кудраўцава, парафіянка гомельскага касцёла Нараджэння Божай Маці, зрабіла крэатыўны Адвэнт-каляндар у сваім дзіцячым доме сямейнага тыпу. 28 лістапада ў католікаў распачаўся Адвэнт - гэта час радаснага чакання прыходу Збаўцы Езуса Хрыста. Ёсць такая традыцыя - каб дзеці маглі лепш падрыхтавацца да Раства і ім было цікавей чакаць свята, бацькі купляюць або самі прыдумляюць Адвэнт-каляндар.
- Спачатку на месцы незадзейнічаных міжпакаёвых дзвярэй мы зрабілі з кардона дэкаратыўны камін. А цяпер на яго аснове - Адвэнт-каляндар, - распавядае Katolik.life прыёмная мама. - Узялі скрынкі і слоічкі з-пад водных фарбаў, з-пад розных прадуктаў. У нас задумка - яшчэ і экалагічнасць, другое жыццё гэтых рэчаў. На скрынках - запіскі з заданнямі на кожны дзень, якія мы выразалі з часопіса "Ave Maria". А ўнутры - цукеркі, якія можна ўзяць пасля выканання задання.
У доме ў Алы Кудраўцавай заўсёды шумна і весела - цяпер у яе жывуць пяцёра прыёмных дзяцей, а яшчэ гасцююць выпускнікі і ўнукі.
Media
Related items
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
- Пацалунак пад абразом і цягнік з адным вагонам – чым дзеліцца парафія ў глыбінцы
- З 7 дзецьмі пасля 25 сутак вядомы прапаведнік пакінуў Беларусь