Католікам не дазволілі памаліцца ля Чырвонага касцёла, парафія павінна вызваліць усе памяшканні
- Written by KATOLIK.LIFE
- Published in Царква
- Add new comment
Аддаць ключы ад плябаніі парафія павінна ў свята 175-годдзе фундатара касцёла Эдварда Вайніловіча.
Увечары 11 кастрычніка невялікая група парафіянаў касцёла святога Сымона і святой Алены спрабавала памаліцца ля зачыненага храма. Пробашч ксендз Уладзіслаў Завальнюк таксама знаходзіўся ля Чырвонага касцёла і стаяў на каленях перад зачыненымі дзвярыма – як і ў 1990 годзе, калі вернікі змагаліся за вяртанне храма парафіі.
«Сёння парафіянам і вернікам сталіцы не дазволілі сабрацца каля святыні, каб разам памаліцца. А 15-й гадзіне людзі яшчэ змаглі разам са сваім пробашчам сабрацца каля муроў касцёла на малітву. У 17 гадзін, калі людзей традыцыйна прыходзіць больш, каб памаліцца, праз некалькі хвілін з'явіліся супрацоўнікі міліцыі, а пасля і людзі ў цывільным, якія проста выштурхоўвалі вернікаў з вонкавай тэрыторыі святыні. Была спроба не дазволіць таксама пробашчу парафіі ксяндзу каноніку Уладзіславу Завальнюку працягнуць малітву каля дзвярэй зачыненнага касцёла. Людзей, якія падыходзілі на прыступкі да касцёла, таксама спрабавалі не пускаць далей. Астатнім жа прыйшлося раздзяляцца паасобку», – распавёў вернік Віктар Ведзень.
Таксама ён паведаміў, што ў той жа дзень парафія атрымала чарговы ліст ад прадпрыемства «Мінская спадчына», фармальнага ўладальніка комплекса Чырвонага касцёла: «Цяпер, згодна з пастановай Мінгарвыканкама, асобны будынак плябаніі просяць вызваліць да 13 кастрычніка, разам з тым перадаць камплект ключоў».
У той жа час парафія паведаміла аб тым, што накіравала шэраг лістоў, у тым ліку на адрас Аляксандра Лукашэнкі і Следчага камітэту. Паводле апублікаванай інфармацыі, прадстаўнікоў парафіі так і не дапусцілі да даследавання «пашкоджаных канструкцый» храма, а пажар узнік з-за неправамерных дзеянняў неўстаноўленых асоб, якія разбілі вокны, упэўнены ў парафіі. Ксёндз-пробашч надалей трывае ў чыстым посце на вадзе, які ахвяруе ў інтэнцыі вяртання касцёла.
У той самы дзень, калі парафіі прапануюць пакінуць будынак плябаніі, будзе адзначацца 175-годдзеса сдня нараджэння фундатара касцёла Эдварда Вайніловіча, які нарадзіўся 13 кастрычніка 1847 года. Стэнд з гэтай інфармацыяй выстаўлены перад уваходам у храм. «Смуткуем, што зараз збудаваная ім святыня закрыта, няма магчымасці годна правесці малітву падзякі».
Media
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле