Пробашч Чырвонага касцёла папрасіў прыняць яго ў дворнікі
- Written by KATOLIK.LIFE
- Published in Царква
- Add new comment
Святар не можа служыць у закрытым храме, таму хоча прыбіраць яго тэрыторыю
Парафія святога Сымона і святой Алены ў Мінску 21 лістапада паведаміла аб тым, што касцёльны камітэт парафіі атрымаў заяву ад ксяндза Уладзіслава Завальнюка, пробашча закрытага Чырвонага касцёла.
«Паколькі ў сувязі з тым, што з моманту інцыдэнта ўзгарання ў захрыстыі касцёла прайшло два месяцы, і касцёл зачынены, а парафіяльная дзейнасць прыпынена, то я як пробашч парафіі не маю магчымасці праводзіць Багаслужэнні. Таму, каб я мог прыносіць карысць парафіі, прашу дазволіць мне з 21 лістапада выконваць абавязкі дворніка для ўборкі тэрыторыі вакол Чырвонага касцёла, якая на дадзены момант не прыбіраецца»,
- працытавала парафія святара і адзначыла, што касцёльны камітэт разгледзеў заяву і «схіляецца да таго, каб вынесці станоўчае рашэнне, бо двор і сапраўды патрабуе ўборкі».
Нагадаем, амаль два месяцы таму, 26 верасня, у касцёле адбыўся пажар пры загадкавых абставінах, якія не разгалошваюцца. Пасля інцыдэнту дзяржаўныя ўлады цалкам закрылі храм. Парафія не згодна з такім рашэннем.
Media
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле