Эфектнае відэа: Крыжовы шлях па вуліцах горада правялі ў Смаргоні
- Written by KATOLIK.LIFE
- Published in Царква
- Add new comment
З зямлі і паветра заснялі, як увечары з паходнямі і свечкамі вернікі неслі драўляны крыж.
У мінулую пятніцу, перад пачаткам Вялікага тыдня ў католікаў, у Смаргоні правялі Крыжовы шлях па вуліцах горада. Увечары з паходнямі і свечкамі вернікі пранеслі драўляны крыж па горадзе, робячы прыпынкі і разважаючы пра пакуты Збавіцеля. Эфектнае відэа падзеі з зямлі і паветра апублікавалі на старонцы «Фота Відэа аэраздымка ў Смаргоні».
Набажэнства складаецца з 14 стаянняў, якія ўяўляюць сабой успамін эпізодаў Мукі Сына Божага – ад асуджэння на смерць да пахавання ў грабніцы. Стацыі служаць напамінам пра найважнейшыя падзеі апошніх гадзін жыцця Езуса Хрыста і Яго адкупленчай смерці на крыжы, якая явіла бязмежную любоў Бога. Сваімі пакутамі і смерцю Езус адкупіў кожнага чалавека, аднавіў яго адзінства з Богам, адкрыў шлях у вечнае жыццё ў Валадарстве Нябесным.
Наш канал в Telegram – только важное. Подписаться >
Апошнія ў гэтым Вялікім пасце набажэнствы Крыжовага шляху пройдуць у касцёлах у Вялікую пятніцу, 7 красавіка.
Related items
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася