Адзіныя, хто прыняў Першую камунію не ў родным храме. Свята для дзяцей з Чырвонага касцёла прайшло ў Мінску
- Written by KATOLIK.LIFE
- Published in Царква
- Add new comment
Урачыстую святую Імшу цэлебраваў пробашч ксендз канонік Уладзіслаў Завальнюк – фота.
Святы Першай Камуніі адбываюцца ў касцёлах Беларусі. Адно з самых кранальных такіх святаў прайшло для дзяцей з мінскай парафіі святога Сымона і святой Алены – яны былі адзінымі, хто прыняў першую Святую Камунію не ў родным храме, бо Чырвоны касцёл у Мінску закрыты ўжо каля 8 месяцаў.
20 траўня свята для дзяцей з гэтай парафіі правялі ў мінскім катэдральным касцёле.
«Нягледзячы на ўсе складанасці, дзеці наведвалі катэхезы. Молімся ў іх інтэнцыі, каб былі верныя Богу усё сваё жыццё», – адзначылі ў парафіі. Урачыстую святую Імшу цэлебраваў пробашч ксендз канонік Уладзіслаў Завальнюк.
«Такая цудоўная падзея ў жыцці маленькіх вернікаў! Як шкада, што іх Першая Камунія адбылася не дома, не ў родным Чырвоным касцеле. Молімся, каб як найхутчэй мы змаглі вярнуцца ў наш дом», – дадалі ў парафіі.
Media
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- Праваслаўная Велікодная служба па-беларуску з анлайн-трансляцыяй пройдзе ў Вільні
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі