Не фэйкі і не хакеры: «Радыё Марыя» працягвае збор і тлумачыць непаразуменні
- Written by KATOLIK.LIFE
- Published in Царква
- Add new comment
У чатах каталіцкіх супольнасцяў распаўсюджвалі паведамленні пра тое, што быццам акцыя па зборы ахвяраванняў – гэта махлярства, бо ў касцёлах не гучалі адпаведныя абвесткі. У рэдакцыі патлумачылі, у чым справа.
Збор сродкаў для арганізацыі новай студыі каталіцкага «Радыё Марыя» ў Беларусі працягваецца. Нагадаем, было сабрана каля 50 тысяч рублёў ахвяраванняў, чаго не хапіла на выкуп дома, у якім здымала памяшканне рэдакцыя. Аднак наперадзе – высяленне з будынка, пошук новага памяшкання, яго рамонт пад арганізацыю студыі.
Гэта павінна быць вялікае памяшканне, бо «Радыё Марыя» – гэта не проста медыя, якому патрэбны стол, кампутар і мікрафон, а гэта прастора, якая заўжды поўная людзей – валанцёры, госці, супрацоўнікі, запісы праграм і малітоўныя эфіры. Нават цяперашнія памяшканні былі ўжо цеснаватыя для патрэбаў «Радыё Марыя».
Відавочна, што сабранай сумы не хопіць на ўсе выдаткі, тым больш, актуальным застаецца і пытанне выплаты заробкаў. Нагадаем, радыё існуе выключна на ахвяраванні, сабраныя ў Беларусі, і не можа прымаць фінансавую дапамогу з-за мяжы.
Каманда радыё выказвае вялікую падзяку ўсім, хто зрабіў ахвяраванне, і ў той жа час – засмучэнне непаразуменнямі, якія ўзніклі ў некаторых вернікаў, і якія распаўсюджваюць іх у чатах каталіцкіх супольнасцяў.
Гаворка ідзе пра паведамленні пра тое, што быццам абвешчаны збор з'яўляецца «акцыяй хакераў», з заклікам не рабіць ніякіх пералічэнняў. Гэта думка была абгрунтавана тым, што калі б сапраўды збіралі ахвяраванні на каталіцкае радыё, то пра гэта паведамілі б парафіяльныя святары ў касцёлах.
У рэдакцыі патлумачылі: хоць радыё і з'яўляецца каталіцкім, яно не ўваходзіць у Касцёльныя структуры, таму цэнтралізаваныя абвесткі пра збор пакуль не гучаць у касцёлах.
Рэдакцыя спадзяецца, што сітуацыя з інфармаваннем можа нейкім чынам змяніцца, улічваючы тое, што «Радыё Марыя» карыстаецца папулярнасцю ў вернікаў і на працягу ўжо амаль 9 год робіць значныя высілкі для стварэння годнага каталіцкага кантэнту.
У прыватным парадку ахвочыя могуць зрабіць ахвяраванне па рэквізітах, размешчаных на афіцыйным сайце радыё >
Наш канал в Telegram – только интересное и важное. Подписаться >
Related items
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы