Праваслаўная Велікодная служба па-беларуску з анлайн-трансляцыяй пройдзе ў Вільні

Дзе і калі будзе праваслаўная Велікодная служба для беларусаў у Вільні, ці будуць «асвячаць булкі ды яйкі», распавёў на сваёй старонцы протаіерэй Георгій Рой, святар Беларускай супольнасці Усяленскага Патрыярхату.

Праваслаўныя адзначаць Вялікдзень 5 траўня, і многія вернікі гэтай канфесіі, якія імігравалі з Беларусі (найбольш масава – у Літву і Польшчу) не ведаюць, як могуць адзначыць Пасху ў гэтых каталіцкіх краінах.

Прыйсці на Літургію, каб паўнавартасна ўдзельнічаць у святкаванні Вялікадня, можна ў Вільні. А для тых, хто далёка – супольнасць арганізуе анлайн-трансляцыю службы >

У Вялікую суботу, 4 траўня, па адрасе Bokšto g. 4 у Вільні з 11.00 да 18.00 будзе адбывацца асвячэнне велікодных страў. Усяночная служба пройдзе ў будынку Евангелічнай лютэранскай царквы на Vokiečių g. 20. Яна пачнецца апоўначы, у 00.00, з 4-га на 5-е траўня. Пасля службы таксама можна будзе асвяціць ежу.

У Велікодную раніцу а 9.00 адбудзецца Пасхальная служба для дзяцей і бацькоў на Bokšto g.4.

Для таго, каб быць больш уключанымі ў тое, што адбываецца падчас Літургіі, можна спампаваць яе тэкст на беларускай мове і сачыць падчас набажэнства.

Наш канал в Telegram – только интересное и важное. Подписаться >