Два гады, як зняволены ксёндз Акалатовіч: «Малюся, каб годна прайсці выпрабаванні»

Мінула два гады з таго часу, як быў арыштаваны ксёндз Генрых Акалатовіч. Яго затрымалі ў Валожыне 16 лістапада, ва ўрачыстасць Найсвяцейшай Панны Марыі, Маці Міласэрнасці (Вастрабрамскай), 2023 года. На той момант ён быў пробашчам каталіцкай парафіі святога Юзафа.

Асуджанага на 11 гадоў зняволення святара, паводле абвінавачвання ў «здрадзе дзяржаве», утрымліваюць у калоніі ў Бабруйску — там жа знаходзіцца другі каталіцкі святар айцец Анджэй Юхневіч.

Наколькі вядома вернікам, Ватыкан вядзе перамовы з беларускай дзяржавай аб больш хуткім вызваленні зняволеных святароў. Дапамагчы ў гэтым, як мяркуецца, спрабаваў кардынал Клаўдыё Гуджэроці, які прыязджаў у Беларусь як спецыяльны пасланнік Папы Рымскага.

Па апошніх звестках, ксёндз Акалатовіч працягвае знаходзіцца ў калоніі — вернікі даведаліся нядаўнюю вестку пра яго.

Святар моліцца аб тым, каб Гасподзь не пакінуў Яго і ўмацоўваў, каб сатана не змог адвярнуць яго ад Бога праз разнастайныя спакусы, каб ён годна прайшоў усе выпрабаванні.

Ксёндз Генрых адзначае, што калі чалавек жыве з Богам, размаўляе з Ім у малітве, цалкам аддаецца Ягонай волі, то сатана нічога не зможа зрабіць з такім чалавекам.

Святара ўмацоўваюць успаміны кардынала Казіміра Свёнтка, якому ў лагерах таксама было маральна лёгка, бо ён не здзяйсняў злачынстваў, у якіх яго абвінавачвалі.

Наш канал в Telegram – только интересное и важное. Подписаться >