BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

admin

Гомельскія каталікі правялі Набажэнствы пад адкрытым небам

Нядзельныя Святыя Імшы 5 жніўня ў гомельскай рыма-каталіцкай парафіі прайшлі не ў касцёле, а на пляцоўцы перад уваходам у храм. Набажэнствы пад адкрытым небам прыйшлося праводзіць з-за рамонту памяшкання: касцёл рыхтуюць да афарбоўкі і роспісу алтарнага абраза.

- ММы, быццам габрэйскі народ у сённяшнім чытаннях, апынуліся ў пустэчы. Маленькія змены прыносяць у нашае жыццё вялікія праблемы. Мы бачым, як нам цяжка славіць Бога пад такім пякучым сонцам. Бачым сваё сэрца. Падобныя выпрабаванні Бог дае нам не здарма. Дзякуючы ім нашы сэрцы становяцца ўпакоранымі, а бо толькі ў такіх сэрцах можа пасяліцца Хрыстос. Інакш мы становімся проста рэлігійнымі або ў нас ўзрастае ганарыстасць. Мой грэх заўсёды перада мною - калі хрысціянін забыўся, што ён грэшнік, Бог нагадвае яму пра гэта, - адзначыў падчас казання кс. Славамір.

- Так што ўсе праблемы, якія здараюцца - гэта не нейкія няўдачы, гэта ўсё Бог дае для нашага збаўлення. Каб перастаць грашыць - трэба грашыць. Як і для таго, каб жыць - трэба памерці. Памерці для сябе, каб жыць для Госпада.

Больш фота тут >>>

Хрысціянскі опэн-эйр пад Гомелем сабраў праваслаўных, каталікоў і пратэстантаў (ФОТА, ВІДЭА)

28-29 ліпеня на манастырскім падворку ў вёсцы Церуха Гомельскага раёна прайшоў міжканфесійны хрысціянскі фестываль «Хрыстос пасярод нас». Ва ўнікальным мерапрыемстве пад адкрытым небам ўдзельнічалі каля 150 вернікаў з праваслаўных, каталіцкіх і пратэстанцкіх цэркваў, у тым ліку святары, манахі і сёстры законныя. На падворку быў арганізаваны намётавы лагер і палявая кухня.

Быццам нябесным дабраславеннем сталі нечаканыя пырскі дажджу, што сярод гарачага сонечнага дня акрапілі ўдзельнікаў фестывалю прама перад яго адкрыццём. Вернікі гулялі разам у міні-футбол, валейбол, настольны тэніс, дзеці каталіся на надзіманых горках. Увечары гледачы ўбачылі галоўную - музычную частку фестывалю, зладзілі феерверк і запусцілі нябесныя ліхтарыкі.

Са сцэны гучалі вершы і песні на рускай, беларускай, украінскай і англійскай мовах, прычым не толькі духоўныя, але і агульна любімыя свецкія кампазіцыі. Ганаровымі гасцямі фестывалю сталі народны хор «Сож» і мінскі ню-метал гурт «Tesaurus».

Ужо познім вечарам, пасля заканчэння афіцыйнай часткі, удзельнікі фестывалю сабраліся вакол вогнішча, пускаючы гітару па крузе. Не абыйшлося і без міжканфесійных дыскусій, якія, слава Ісусу, скончыліся моцным мірам і ўсмешкамі. Самыя адухоўленыя сядзелі ля вогнішча да світання. Назаўтра свята працягнулася.

- У нас, на жаль, захоўваюцца веравучыцельныя рознагалоссі, але самае галоўнае - каб гэтыя рознагалоссі не станавіліся асабістымі. Хай сярод нас будзе Хрыстос! - падсумаваў сустрэчу галоўны арганізатар фестывалю, праваслаўны іераманах Мікалай Тарасенка.

 

Фота і відэа тут >>>

Subscribe to this RSS feed