Гомельцаў навучаць распісваць Велікодныя яйкі + ФОТА выставы «Разьба па шкарлупіне страусіных яек»
- Written by katolik-gomel.by
- Published in Навіны - Гомель
- Comments (2)
Для жадаючых распісаць яйка і падарыць яго праваслаўным сябрам на Вялікдзень майстар-клас абыйдзецца ў 35 тысяч рублёў.
9 красавіка ў музеі Гомельскага палацава-паркавага ансамбля адкрылася выстава прыватнай калекцыі «Разьба па шкарлупіне страусіных яек», дзе прадстаўлены работы майстра Дзмітрыя Дзенісенкі з Украіны.
- Мастацкая разьба па шкарлупіне яек з'яўляецца рэдкім і зачаравальным відам мастацтва. Гэта складаная, тонкая, філігранная, ювелірная тэхніка. Яна выклікае захапленне і здзіўленне. Лёгкасць, якой напоўнены высокамастацкія творы, дзівяць і захапляюць, - гавораць у музеі.
Асаблівай увагі заслугоўвае цыкл твораў Дзмітрыя Дзенісенкі пад назвай «Via Dolorosa. Дарога смутку ». Гэта дарога, па якой Ісус Хрыстос прайшоў ад месца прысуду да месца пакарання - Галгофы.
Падчас выставы для ўсіх жадаючых наведвальнікаў правядуць майстар-клас па роспісу Велікодных яек. Бо ў хрысціянскай традыцыі іх прынята не толькі фарбаваць, але і распісваць - лініямі узораў яйкі як бы нагадваюць аб біцці Хрыста. Таму фарбаваць і распісваць яйкі прынята ў Вялікую пятніцу.
Для жадаючых распісаць яйка і падарыць яго родным і блізкім на Вялікдзень, які праваслаўныя будуць адзначаць 12 красавіка, майстар-клас абыйдзецца ў 35 тысяч рублёў. Таксама трэба будзе аплаціць нарыхтоўку роспісу - 13 тысяч рублёў.
Related items
- Старадаўняя капліца згарэла на могілках у Смаргоні
- Тым, хто не можа на Радуніцу памянуць блізкіх у храме, прапануюць гэта зрабіць дыстанцыйна і бясплатна
- У Беларусі праходзяць святы Першай Камуніі – як гэта было ў сельскіх храмах
- «Не сказалі нават біскупу». Даведаліся, на які тэрмін асудзілі святароў у Віцебску
- «Сезон пілігрымак» адкрыла паломніцтва з Пінска ў Лагішын