«Кожны чалавек хоча ўзвысіцца над Богам» [фота Вялікай Пятніцы]
- Written by gomel.catholic.by
- Published in Навіны - Гомель
- Comments (1)
Крыжовы шлях у гомельскім касцёле падрыхтавалі і правялі парафіяльныя скаўты.
Адзін з дзён самага строгага посту ў каталікоў, які яны праводзяць на хлебе і вадзе, уваходзячы ў пакуты разам з Езусам - Вялікая Пятніца. У гэты дзень Ён быў укрыжаваны, памёршы за грахі свету.
Удзень Крыжовы шлях правялі парафіяльныя скаўты - хлопцы і дзяўчаты. А ўвечары адбылася Літургія Мукі Гасподняй.
- Валадар Сусвету так прынізіў сябе з-за нас. Бо мы, якія перад Богам проста пыл, хочам узнімацца вышэй і вышэй. Заўсёды чалавек хоча ўзняцца і стаць замест Бога. І так было ад пачатку. І так ёсць у жыцці кожнага з нас: у дробных, у важных, у вялікіх справах мы хочам ўзвысіцца над Богам, кіраваць ўсім і ўсімі. Мы, якія ўсяго толькі прах. Таму Гасподзь - Той, хто сапраўды вялікі - прыніжае сябе, - сказаў падчас літургіі айцец Ян Саламон.
У суботу ў храме пройдуць Ранішнія хвалы і асвячэнне Пасхальнай ежы. Усяночнае чуванне пачнецца ў 23.00.
Related items
- Як усміхаецца найстарэйшы іерарх Беларусі? Неафіцыйны рэпартаж з Янава
- У Беларусі прызнаны гісторыка-культурнай каштоўнасцю каталіцкі абрад «Тры каралі»
- Дыскатэкай на ўсю вуліцу адзначаюць на Гродзеншчыне... Першую Камунію ў дзяцей
- Тым, хто не можа на Радуніцу памянуць блізкіх у храме, прапануюць гэта зрабіць дыстанцыйна і бясплатна
- У Беларусі праходзяць святы Першай Камуніі – як гэта было ў сельскіх храмах