Велікодны канцэрт класічнай музыкі ў касцёле сабраў аншлаг [фота]
- Written by katolik-gomel.by
- Published in Навіны - Гомель
- Add new comment
Сусветныя шэдэўры выканалі лаўрэаты міжнародных конкурсаў.
У нядзелю, 30 красавіка, у каталіцкім храме Нараджэння Божай Маці ў Гомелі адбыўся Велікодны канцэрт класічнай музыкі, у якім узялі ўдзел ансамбль «Класік», артысты гомельскага сімфанічнага аркестра. Салістамі выступілі лаўрэаты міжнародных конкурсаў Віталь Фамін (арган), Андрэй Глазянкоў (банданеон) і дыпламант рэспубліканскага конкурсу Вольга Кузьменка. Прагучалі сусветныя шэдэўры класічнай музыкі: творы Баха, Ванхаля, Ланнера, Ласта, Штраўса. Уваход на канцэрт, як заўсёды, быў вольны.
- Цудоўныя творы, натхнёныя Богам, адкрываюць сэрцы для ўваскрослага Езуса, - гаворыць пробашч парафіі. - Большасць аўтараў гэтай вялікай музыкі - веруючыя людзі, і праз іх мы маем яшчэ адну магчымасць сустрэцца з Богам.
Нагадаем, на Каляды і Вялікдзень традыцыйна ў гомельскім касцёле праходзяць канцэрты класічнай музыкі, якія бясплатна ладзіць Таццяна Томсан і яе сябры. Кожны раз выступленні праходзяць пры поўным аншлагу.
Related items
- Фэст у лясной капліцы з незвычайнай гісторыяй святкавалі капуцыны і пілігрымы
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле
- Ці ўступаць у піянеры, спыталі ў вернікаў – частка адказаў здзівіла