У Гомелі пары абнавілі свае шлюбныя абяцанні [фота]

Студзень 1, 2018
Written by Katolik.life
Published in Навіны - Гомель
Add new comment

З моманту вянчання ў касцёле многія сем'і сталі шматдзетнымі.

Напярэдадні Новага году, 31 снежня, калі ў Каталіцкай царкве святкуецца дзень Святой сям'і, у гомельскай рымска-каталіцкай парафіі ўрачыста абнавілі свае шлюбныя абяцанні пары, якія святкуюць юбілей шлюбу: 5,10,15, 20 і больш гадоў сумеснага жыцця. Многія сем'і за гэты час сталі шматдзетнымі.

Падчас святой Імшы сужэнцы выйшлі да алтара, сталі тварам адзін да аднаго, узяліся за рукі, і як у час свайго вянчання зноў паабяцалі любіць адно аднаго ў горы і ў радасці, у здароўі і ў хваробах. Пасля абнаўлення абяцанняў сужэнцы абняліся адно з адным.

Чытайце таксама парады сем'ям ад Папы Францішка: Тры галоўных словы ў сямейным жыцці: дазволь, дзякуй, прабач.

Tagged under

Related items