На «Дзяды» ў Гомелі памоляцца аб ахвярах рэпрэсій і ўсіх памерлых
- Written by Katolik.life
- Published in Навіны - Гомель
- Add new comment
У дзень Усіх Святых службы ў касцёле пройдуць у 8.00, у 12.00 і ў 19.00
На гэтым тыдні ў Гомелі будуць маліцца за ўсіх памерлых, у тым ліку за ахвяраў камуністычных рэпрэсій. У пятніцу, 1 лістапада, у Каталіцкай царкве адзначаецца ўрачыстасць Усіх Святых. Святыя Імшы ў гомельскім касцёле пройдуць у 8.00, у 12.00 і ў 19.00.
У той жа дзень у 16.00 парафіянаў запрашаюць на Навабеліцкія могілкі, насупраць мясакамбіната, каб здзейсніць малебен у інтэнцыі памерлых вернікаў.
- Прашу правесці ўборку на магілах каталіцкіх святароў, - звярнуўся пробашч.
У суботу, 02.11, Успамін Усіх памерлых вернікаў. Св. Імша ў 8.00 і ў 12.00. У 15.00 вернікі сустракаюцца на «9 кіламетры» Чарнігаўскай шашы, каля Крыжа ў Навабеліцы, каб здзейсніць малебен у інтэнцыі ўсіх памерлых вернікаў, ахвяраў бальшавіцкага тэрора.
Нагадаем, штогод у гэтым месцы каталіцкая парафія моліцца за нявінна забітых святароў, свецкіх вернікаў і ўсіх рэпрэсаваных, а таксама за іх ганіцеляў.
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Аксана, Сяргей, Паліна, Павел... За тых, хто не сустрэне Вялікдзень дома, моляцца ў Вялікі чацвер
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Абяцаныя працы не пачаліся. Паўтара гады, як зачынены Чырвоны касцёл у Мінску
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў