"Мы як салдаты". Біскуп Казімір Велікаселец развітаўся з Гомелем, каб адправіцца служыць у Мінск
- Written by KATOLIK.LIFE
- Published in Навіны - Гомель
- Add new comment
Таксама гомельцы праводзілі сястру Малгажату, настаяцельніцу супольнасці Маці Тэрэзы
10 студзеня, калі ў Каталіцкай царкве адзначаюць свята Хросту Пана, у гомельскім касцёле ўрачыста праводзілі біскупа Казіміра Велікасельца. Нагадаем, доўгі час ён быў дапаможным біскупам Пінскай дыяцэзіі, жыў у Гомелі, адраджаў тут парафію, будаваў храм, а цяпер павінен з'ехаць у Мінск, каб служыць Апостальскім адміністратарам Мінска-Магілёўскай архідыяцэзіі - па рашэнню Папы Рымскага Францішка.
У сваёй развітальнай прамове біскуп Казімір адзначыў, што святары - як салдаты:
- Як нас вучылі ў савецкім войску: загады не абмяркоўваюць, а выконваюць... Я не чакаў, што з майго ўжо роднага Гомеля давядзецца пераходзіць на іншую службу, больш адказную. Спадзяюся, вы будзеце памятаць мяне ў малітвах, умацоўваць мяне. А далей будзе відаць, як пойдзе гэтая служба.
Іерарх падзякаваў гамельчукам за тое, што прыходзяць у храм, моляцца, адраджаюць парафію, бо «наша радасць - гэта жыць з Панам Богам».
Таксама гомельскія католікі развіталіся з сястрой Малгажатай, былой настаяцельніцай мясцовай супольнасці Місіянерак міласэрнасці - сясцёр Маці Тэрэзы. Яна з'язджае служыць у Маскву. Гамельчукі падзякавалі абодвум на плённае служэнне ў горадзе, пажадалі Божага дабраславення на далейшую службу і падарылі памятныя падарункі. Дзеці выканалі для сястры Малгажаты песню.
Фота: кс. Юры Варанко і Юры Богдан
Media
Related items
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»