Відэа: У Гомелі на Вялікдзень каталіцкія бабулі праспявалі ў тралейбусе «Хрыстос уваскрос!»
- Written by KATOLIK.LIFE
- Published in Навіны - Гомель
- Add new comment
Жанчыны вярталіся дадому позна ўвечары пасля Пасхальнай службы
У Гомелі на Вялікдзень, які католікі сустрэлі 4 красавіка, некалькі жанчын старэйшага ўзросту спантанна заспявалі ў грамадскім транспарце. Гучнае «Хрыстос уваскрос! Алілуя!» напоўніла начны тралейбус, на якім бабулі вярталіся з першай Велікоднай святой Імшы. Гэта вернікі з парафіі Унебаўзяцця Найсвяцейшай Панны Марыі - аднайменны каталіцкі храм цяпер будуецца на скрыжаванні Рэчыцкага праспекта і вуліцы Аб'язной. А пакуль парафіяне збіраюцца на малітву ў часовай капліцы на месцы будаўніцтва касцёла.
Katolik.life паразмаўляў з аўтарам відэа Аленай, якая распавяла, што імправізаваны спеў доўжыўся некалькі хвілін:
- Мы ехалі пасля Пасхальнай вігіліі, і жанчыны з песняй зайшлі ў тралейбус. Яны спявалі так прыгожа, што я вырашыла засняць гэта на відэа. Жанчыны гэта не заўважылі, а потым, калі даведаліся, трохі засмуціліся. Я сказала ім, што праспяваць у тралейбусе «Хрыстос уваскрос!» - гэта крута!
Жанчыны селі ў тралейбус на канцавым прыпынку «Сонечны» - селі з песняй і паехалі, у салоне больш нікога не было. Спявалі да наступнага прыпынку.
Media
Related items
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»
- Без цуду, але з падтрымкай: як «Радыё Марыя» выходзіць з цяжкай сітуацыі