Гомельскія каталікі павіншавалі студэнтаў-нігерыйцаў з іх нацыянальным святам
- Written by gomel.catholic.by
- Published in Навіны - Гомель
- Add new comment
1 кастрычніка ў Гомельскім дзяржаўным медыцынскім універсітэце прайшоў канцэрт, прысвечаны Дню незалежнасці Рэспублікі Нігерыя, які адзначаецца ў гэты дзень. Ва ўніверсітэце вучыцца каля 40 студэнтаў з гэтай афрыканскай краіны.
Нігерыйцы зладзілі шоў з народнымі і сучаснымі афрыканскімі танцамі і песнямі. Сваю канцэртную праграму ў падарунак замежнікам падрыхтавалі і гомельскія студэнты. Прыехалі на свята вікарый мясцовай рымска-каталіцкай парафіі, ксёндз Дамінік і прадстаўнік партала gomel.catholic.by. Яны павіншавалі з Днём незалежнасці Нігерыі студэнтаў-афрыканцаў, якія на час вучобы сталі парафіянамі гомельскага касцёла. Дарэчы, палова насельніцтва Нігерыйскай рэспублікі - хрысціяне. Вось што напісала на сваёй старонцы ў Фэйсбуку адна з студэнтак Гомельскага медуніверсітэта, якая прыехала з Нігерыі:
- Айцец нябесны, прашу, каб доўгія стагоддзі мы змаглі жыць свабодна. Блаславі нашу краіну Нігерыю, багатую чалавечымі і прыроднымі рэсурсамі, каб яны былі выкарыстаныя на славу і дабрабыт нігерыйцаў. Каб не было несправядлівасці, карупцыі, хабарніцтва, з-за чаго многія нашы людзі галадаюць і хварэюць. Ойча, пачуй просьбы людзей, якія звяртаюцца да цябе, суцеш іх у смутку, будзь міласэрны да нас. Мы просім аб гэтым праз Хрыста, Госпада нашага, амін.
Media
Related items
- Прыехалі ў касцёл на трох машынах: на Віцебшчыне затрымалі двух святароў
- Манах з Гудагая зрабіў арэлі для парафіі ў Мінску
- Байк, драйв... могілкі. «Сельскі святар» працягвае здзіўляць
- Фэст у лясной капліцы з незвычайнай гісторыяй святкавалі капуцыны і пілігрымы
- Праваслаўная Велікодная служба па-беларуску з анлайн-трансляцыяй пройдзе ў Вільні